U parlamento du Iran mahıtle sartat leşan a droşe cam Amerika
U parlamento du İran, rfıdle dımdawım a droşe cam Amerika, hol dlo mitabqi a şartat dmahıtle. I mawdconuthathe, du tbocofroso du İran’yo lfuth i mawdconutho dmatile me Tehran. Elo camathe’ste Fransa, Britania u Almanya’ste gzımlın u İran b’tedbire hrene, en dlo hozım şuşoto bi sbutho da droşe dcali tahraztayde du nukleer.
TAHRAN — U parlamento du İran frısle adyawma maqırhonutho cala droşathe dcam Amerika bi sbutho di tahraztayde du nukleer u m’akadle, dlatte ucdo niye dmabdın a droşani naqla hreto hol Amerika dlo mtabqo a şartat dmahıtle u Iran. Bi maqırhonuthathe u parlamento İranoyo mırle; İnaqla Amerika kmıstacmılo a droşani xıd ale leşan dsaymo hile calu İran u dımkasyo cala hçome d’İsroyel, laybın a droşani dımdawmi.
Bi maqırhonuthathe lo mawdıci a şartat dmahti qum Amerika elo u waziro di baroyutho Cabbas Araqçi meqım’ste mawdacwole, dıklozım dhowe garantiye kamile dlıgmıhçım cal Tehran, leşan dımqadmi la droşani dcam Amerika. Elo u waziro di baroyutho d’Fransa Jean-Noel Barrot athmıl mırle; Paris, London u Berlin dkıtne hadire dmadcıri bu yarho d’Ob, a tedbire momunoye dmaqimiwolın ba 2015 calu İran en dlo hozın şuşoto qriho bi sbutho da droşani dcali tahraztayde du nukleer.
Bi sbuthathe’ste u waziro di baroyutho du İran mırle; U tedciro da tedbirani dan athrawotho Urifoye lfuth u qyomo da 2015, gıdmatimi u dawro da Urifoye bi sbutho di tahrazto nukleer du İran ucamathe’ste u dawro di mescoyutho dkıtle Urifi beyn Tehran u Woşington.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
