U rişqutnu d’Turkiya Erdoğan sımle nuholo cal dı grub d’Gerille di PKK d’mawqadle u zaynayde
Erdoğan mşalatle bahro cali olsoyutho dmişakıl komisyon bu Parlamento u mırle ” Ahna xıd AKP, cam MHP u DEM Parti hulan fusqono dmalxina u darbano cam hdode.
ANKARA — U rişqutnu d’Turkiya Rejep Tayyip Erdoğan bu mamlo dsımle bu futoho du knuşyo du gabo d’AKP b’Ankara cali sbutho di PKK dıtrela mu zayno mırle; “Me athmıl mşarele u maşıqlo dxılsina mu bala di marhıbonutho dıkımdawmo hani 47 ışne. Adyawma ftih warqo hathto bu makthabzano. Ftihi a tarce leşan u doro d’Turkiya i qwitho.”
Erdoğan dmathkarle di PKK manhatle la haye u fusqono dhula mırle “adyawmo yawmo hathoyo, u ftih warqo hathto bu makthabzabno.” U rişqutnu d’Turkiya mawdacleste hınne kıdci mın ksaymi, noşo tro lo zoyıc, u tro lowele şkuk.
Erdoğan dımqadamle tawdiyotho lu rişono d’MHP Dewlet Bahçeli m’bayanleste u gabayde cam MHP U Dem Parti gıdmahmıci u maşıqlo u gıdımşawşıtile, gıdobın ido bido ugıdşıfci ma casqwotho.
Erdoğan mawdacleste gıdmişakıl komisyon bu Parlamento leşan du maşıqlano.
Drışle u maşıqlano cama Kurdoye du Iraq u d’Suriya’ste, u hınneste fsihoyene ma dawsatani dıkmihalqi.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
