U şutoso da clayme Suryoye kımdawım dsoyım hfitwotho mawthırone laşan u Sayfo

U şutoso da clayme Suryoye, sımle hfitwotho mşahılfe u bıdukotho mşahılfe leşan dgurşi u zuhoro cali sbutho du Sayfo.

 A clayme mahıtlın luhe du protesto, dkito kıthiwo aclaye; Turkiya mawday bu Sayfo qum da tarce da izgadwotho d’Turkiya dkııtne b’Swisra u b’Almanya, u be bzabno mahıtlın luhe cal geşre dkıtne yasife, a luhe du Sayfo.

A hadome du şutoso da clayme Suryoye ba yawmothani dkıtyo u duxrono du sayfo dhawi calu cameydan sımlın hfitwotho mşahılfe laşan dmaşımci isbutho du Sayfo dhawi meqım 105 ışne calu cameydan. Aclayme Suryoye yawmo du sayfo dkıtwe 15 bu yarhano azzıne sa izgadwotho d’Turkiya dkıtne b’Zurich d’Swizra u Munster d’Almanya u Göpingen u mahıtlın luhe du sayfo quma tarcathe.

Ba luhani dmahtiwolın quma tarce da konslose d’Turkiya ktıhwolın i sbutho du sayfo du camo Suryoyo.  U mhalaqlın a zacqat a sohde lıkmaythi. Me gabo hreno a clayme Suryoye mnaqelın hın ma geşre ulsoye dkito b’Swizra u b’Almanya u mcalaqlın luhe dkıito kıthawyotho calu sayfo  u mcalqilın laşan a azole u athoye dı qorın a kthawyothani.

A mdinotho dmahatın aclayme Suryoye luhe cala geşre hanine. Swizra Zurich, Baden , Wil, b’Almanya Bremen, Delmonhorst, Paderborn, Gutersloh u Munster.

Bu şıkılano u şutoso da clayme Suryoye kımdawım ba hfitwotho dıksoyım laşan dmaşmıc u qolo du cameydan.

Be bzabno kımdawmi bıhfitutho dkıtlın calu darbo du nawlo da clayme, claymotho zcure u rabo ktocni luhe dkito kthawyotho cali sbutho du sayfo u kmitahti calu dafo du nawlo dkıtle u şutoso da clayme Suryoye.