19/12/2020

U Tukoso Emwothoyo da Galwoye frısle maqırhonutho bu yowmo emwothoyo da galwoye

U tukoso Emwothoyo dcala Galwoye, frısle maqırhonutho lu tboco froso bu yawmo Emwothoyo da Galwoye.

 Lfuth i maqırhonuthathe, adşato mvayaclın 3.174 galwoye a hayathe ba gedşe dhawın bu zabno dabici d’motın l’athro dı qudri dhoyın b’mşaynutho ebe.

Bu yawmo Emwothoyo da Galwoye, frısle u tukoso The International Organization for Migration maqırhonutho cali sbutho da galwoye u di aykanoyuthathe. U tukoso Emwothoyo mawdacle, du mınyono mqaydo da galwoye dımvayaclın a hayathe, nohıttır mu mede dkito bi şroruthoyo.

Ba casro alfayo dıbnaynoşo, kıfayti b’darbone dkıtne ğalabe qento ba madhıbre, ba yame uba cobe ubi netiçe’ste alfayo d’galwoye mvayaclın a hayathe wi sagiyoyutho da farsufani latne mqayde b’duktho. Lfuth u mınyono mqaydo da farsufe dınqili adşato ma haye, nohıttır me da 2019’yo.

Elo u malolo d’İOM Paul Dillon mawdacle, d’593 galwoye mvayaclın a hayathe bu darbo dhdo ma gzıryotho d’Spania. U mınyonano ba 2018, 45 galwoye’we. Bebzabno u mınyono da galwoye b’Amerika i Latinoyto zayıd lfuth ışqad man 40 galwoye L’104 i sagiyoyuthathe b’Venezuela.

Adşato u mınyono da galwoye dımvayaclın a hayathe bu darbo lan athrawotho d’Urifi, zayıd 1.700 farsufe-i sagiyuthathe galwoye mu garbyo d’Afriqya’ne. Dillon mırle; Hano latyo istatıstik, elo kmıjğolina cala haye d’farsufe. Kull yawmo kıhozina u camo ba bethkrihe, nacime kayiwe u kafine wu pandemiano, maqşele i aykanoyuthathe.

Check Also

USAİD kımdawım d’sonıd u maşıqlo du bnoyo u du hethotho di daşto d’Ninwe

U tukoso Amerikoyo du quyomo Emwothoyo-USAİD, kımdawım d’sonıd u maşıqlo du bnoyo u du het…