12/02/2021

U waziro di baroyutho du Yawnan hawile knuşyo cam mınyono dımşale dğer athrawotho cali sbutho d’Turkiya

U Yawnan mawdacle dkobıc dhowe geşro beyn d’Urifi u dan athrawotho Caraboye mqabıl di tahrazto di bceldbobuthoo dkıtla Turkiya bu madınho du yamo Mescoyo.

 İ maqırhonuthathe athyo lu hwoyo bi ytawto dhawile u waziro du baroyutho du Yawnan cam menyono ma bnayamnayde dan athrawotho Caraboye u Urifoye dkıtte thume yamo Mescoyo.

 U Yawnan kobıc d’mojıd ide u dhowe geşro beyn du culmo Caraboyo u Urifoyo, u dnofıq mqabıl du nişo dkıtla Turkiya bu haqlo da mabuce du energy. U waziro di baroyutho du Yawnan Nikos Dendias, adyawma bu huthomo di lqoyto dhawile b’Athena cam menyono ma bnayamnayde a Caraboye u Urifoye, mawdacle du Yawnan kıtle nişo dhowe geşro beyn du madınho du yamo Mescoyo, du Xaliç, da Balkan ud’Urifi.

Lfuth u ajans d’Frans Press, u knuşyano dımtayıb bu ışmo “u lqoyo di hawrutho”, u nişayde dbone hawrutho, şlomo wu quyomo du qlimo’yo. Dendias bu mamlayde, makadle’ste du Yawnan kobıc dmaqwe a esorayde cama Caraboye ucama Urifoye, u dımşatıs gbino mşawtfo acmaye bu haqlo di mşaynutho udu enerjy du madınho du yamo Mescoyo.

Me beyn da wazire di baroyutho dmıştawtaflın li lqoytathe, kıtwo u waziro di baroyutho di Scudiye, d’Bahren, d’Qufrus, d’Fransa, d’Mısır, du Cıraq wi wazirto di methcadronutho Emwothoyto da İmarat. Me gabo hreno, u waziro di baroyutho d’Mısır mayadle dhowe methcadronutho camu Yawnan bu haqlo di mşaynutho, u makadle dıklzoım dmitaqwiyo i şalyutho, bnişo dmişawşıti a yuthrone an athrawothani ma mabuce du energy u dsaymi u garanti d’dactid da camathe.

Check Also

USAİD kımdawım d’sonıd u maşıqlo du bnoyo u du hethotho di daşto d’Ninwe

U tukoso Amerikoyo du quyomo Emwothoyo-USAİD, kımdawım d’sonıd u maşıqlo du bnoyo u du het…