29/02/2020

Uthumo d’Simelka gıdmıftıh bas yawmed dıtlotho

U thumo rişoyo beyn du garbyo d’Suriya udu qlimo d’Kurdistan-Semalka, gıdmıftıh kull yawme d’Tlotho leşan a sniqwotho asasi.

 Bi maqırhonutho dhuwla athmıl i Mdabronutho Yothoyto du garbyo udu madınho d’Suriya mawdacwola, dıfsıqlın dı suxri u thumano mu qento du virus d’Corona hol zabno lo mbayno.

U thumo d’Semalka dkıtyo beyn du qlimo di Mdabronutho yothoyto du garbyo udu madınho d’Suriya udu qlimo d’Kurdistan du Iraq, gıdmısxır kamiloyith me 1 bu yarho d’Odor uhol zabno lo mbayno. A melani di maqırhonutho dhuwola athmıl i Mdabronutho Yothoyto’ne.

Baroyo bıthır mi mawdconuthatheste, fris maqırhonutho hreto u m’akıd du thumano d’Semalka, gıdmısxır hol zabno yawme d’Huşabo u bıthır gıdfoyış ftiho kull yawme d’Tlotho leşan u nqolo da sniqwotho asasi beyn da 2 qlime u gıdmitahwe aftho lu mazlo u mathyo da tukose noşoye.

Mawdıc du sxoro du thumanoste, tedbir’yo mqabıl dlo mibarbız u virus d’Corona ba thume di Mdabronutho Yothoyto’yo. Holucdoste heş layto tebe dıkm’adili dtafi u virusano lu garbay madınho d’Suriya. Leşan i rişe d’şato da Kurdoye-u Newroz dkıtyo bu yarho dıbqamuthaynaste, mid tedbire ba 2 qlimani.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…