180 folhe di Peşmerge du qlimo d’Kurdistan rfıdlın dmıştawtıfi lu qrobo mqabıl di PKK

180 folhe di Peşmerge du qlimo d’Kurdistan, rfıdlın dmıştawtıfi lu qrobo mqabıl di PKK. Mawdıc da folhani dhozanwo droşo bi maşritho d’Aturş, mhalaqe a zaynathe u rfıdlın dımharbi mqabıl du gerilla.

Me gabo hreno mawdıc, ban alfayo d’dönumat d’arcotho da turone d’Nuhadra yaqidi, mcal fothe da hçome dıksaymi a hayle kaboşe d’Turkiya cali fnitho.

Bu tebo dıfris b’Hawar News, mawdıc d’180 folhe da hayle di Peşmarga du qlimo d’Kurdistan du Cıraq, mhalaqlın a zaynathe u rfıdlın dmıştawtıfi lu qrobo mqabıl di PKK. Lfuth hın mabuce d’Nuhadra, 180 folhe di Peşmarga dımhalaqle u zaynathe, maydiwo drşoe folhoye bi maşritho d’Aturş d’Nuhadra. Cayni mabuce mathkarlın da comure d’Atruş’ste kıtlın klayto qrıhto u mqabıl du qrobo dıkmisım cali PKK.

Mxasra hreto, u tukoso da Kenşe d’Kurdistan-KCK bu buyono dfrısle mawdacle dhınne xıd mdabronutho di PKK lo kubci dımharbi mqabıl da hayle d’KDP d’Mascud Barzani, calu dıkhozın du qrobano gıdmşarır u nişo du gayso kaboşo d’Turkiya dkobıc dxolıq qrobo gawoyo beyn da Kurdoye. Calathe i KCK m’akadla dkıtla ntarto mi KDP’ste dgorış a folhayde ma dukotho du gerilla.

Camgabıdathe, i KCK krıhla u qedomo di şultonutho d’Almanya udi KDP dnafiqi mqabıl du insiyativ dmabdelın hın bnaymothoye Kurdoye dıkhoyın b’Urifi, u dabici dızzın lu garbiyo du Ciraq, leşan dmaklın a taxtuşe beyn di Peşmarga udu gerilla bnişo dlowe qrobo beynothaye. Elo ba hçome dıkmdawmi calu garbyo du Cıraq, kımdawmo Turkiya dobo husrono lu qlimo.

Lfuth a tebe dfriso, ba hçome dsımlın a hayle kaboşe d’Turkiya hedor 4 qıryawotho d’Nuhadra dkıtne-Dergelka, Ribarke, Qumri, Dashish u Baqulke, hawın celtho l’yuqdono du turo. Bi netiçe ban alfayo dönumat d’arcotho yadiqi. A yuqdonani dımşarewolın meqım 2 yawme u dhawın celtho lu yuqdono d’3 alfo dönumat d’arcotho, heş kımdawmi b’dukotho di fnitho. Mu zabno dmabdela Turkiya a hçomayde calu qlimo, maxle hol 23 qıryawotho u yaqıd hol 13 alfo dönmat arcotho u turone bi fnitho d’Kani Masi.