235 hadome mi Şarbtho d’Bnay Menaşe da Yudoye dkıtwa holucdo msakarto daciri naqla hreto l’İsroyel

235 hadome mi Şarbtho d’Bnay Menaşe da Yudoye dkıtwa holucdo msakarto, daciri naqla hreto l’İsroyel. A galwoyani dkıtne mu garbay madınho du Hınd, nahiti bu bethtawso b’cuqobo dilonoyo dsımlın a İsarloye.

 Anabohotho da galwoyani di Şarbthathe d’Bnei Menaşe, kımşakli sahmo mu mafqono dsımwolın an abohothaydan an Othuroye cala Yudoye meqım alfayo d’eşne.

Bu bethtawso d’Ben-Gurion b’İsroyel, nahıt tayosyotho dıktucniwo 235 galwoye. Bu cuqobo dilonoyo dsımla Tel Aviv, nqila a galwoyani mu garbay madınho du Hınd l’İsroyel wi diloyto di sbuthathe’ste, da galwoyani nubce di Şarbtho d’Bnei Menaşe’ne dhawilın ban alfayo d’eşne bi golutho.

A hadome di Şarbthathe kmibahıs acla bu kthowo qadişo, wi sbuthathe kımşaryo ba 722 meqım me Mşiho, bu zabno di mamlaxtho dan Othuroye mafıtwola u qlimo lu duyoqayda u mawfaqwola 9 Şarbotho me İsroyel u Menashe hdo ma Şarbotho rabe’wa u kmifaşqo hdo mani dkıtwa mvayacto.

A hadome di Şarbthathe’ste, hani mowat d’ışne kımhafdi cali marduthathe i Yudoyto. Elo hathe latyo inaqla qamayto d’İsroyel kımadcıro hadome di Şarbthathe wu adyawma kıhoye hol 4 alfo nafşotho b’İsroyel u heş kito fulhone, du tedciro d’6.500 hrene mu Hınd lu athro. Mşale frişe d’Tel Aviv mıstaqbelın bu bethtawso a 235 farsufani d’daciri naqla hreto l’İsroyel.