60 kohne İtaloye nqili ma haye mu virus di corona

Bu zabnano du kewo d’Corona kmibarbız bıbritho wu mınyono da mithe bu kewano dızayıd zıttır me 6 alfo bnaynoşo, ucdoste mawdıc d’60 kohne b’İtalya mvayaclın a hayathe.

 Lfuth a tebe dıfrisi 60 kohne İtaloye dsaymiwo i teşmeşto tawdithoyto bu zabno dımcadriwo u camo dkıtwın kayiwe, hınneste tafilin u virus u mhasın.

 Lfuth u tebo dıfrısle Aday Bethkınne bi dafo du nawleyde mawdacle d’60 kohne b’İtalya mşanelın mu kewo di corona du virus.

A kohne dktne bcımro rabo bu zabno du kewo dımhewole b’qaştutho u qlimo d’Bergamo hınne dlo zuctho ızınwo saymiwo socurwotho lu camo laşan dımcawnilın. Hathe kmıhşowo lfuth i tawditho mşihoyto fulhono mqadşo di kohnutho dkulnaqqa howın akohne mcawnone lu camo.

Mawxa bi sbuthathe du kewo di Coroan hul ucdo 60 ma kohne dımqadmiwo temeşto ruhonoyto lu camo mwayaclın a hayathe.