A citotho bıthır me arbco yarhe ftihi me hatho

A citotho Orthodoksoye da Eğuftoye b’Mısır, ftihi me hatho la socure bıthır mıd fayışi 4 yarhe sxire xıd tedbir dlo mibarbız u virus d’Corona.

 A citotho Eğuftoyotho sxiriwo, bıthır mi yawto dhawyowa beyn du fatıryarxo Mor Tawadros udi sictho du hulmono d’Mısır 21 bu yarho d’Odor dı şafıcina.

A citotho Eğuftoyotho d’Mısır ftihi me hatho lu camo, bu yawmo du mawlodo du mnohnafşo fatıryarxo Mor Şenouda III. A citotho Orthodoksoyotho da Eğuftoye, sxiriwo meqım 4 yarhe, bıthır mi ytawto dhawyowa beyn du fatıryarxo Mor Tawadros udi Sictho du hulmono d’Mısır, bnişo dmimıd tedbire mqabıl du virus d’Corona.

Ucdoste a citotho dkıtne b’Qahira u Alexandria, mıstaqbelın a mhaymne ubu yarho d’Hzironste ftihowa i cito Eğuftoyto dkıtyo b’Luxor, bıthır ma tedbire dmidiwo ma mhaymıne, mu mawtbo di cito uma falohe. Mawdıc bu zabno du camo kıcobır la citotho, kmisomo i hırara d’guşme kontrol wa msonathe kmitandıfi.

Camatheste u camo klozım dmahıt maske cal feme u dfoyış rahuqo me hıdode. Bebzabno i wazirutho du Hulmono d’Mısır rfıdla a tebe lo şarire dfriso u dımdace, di slutho belhude gıdmisomo 10 qatinotho.