A hayle kaboşe d’Turkiya simlin cuqobe hathe cal 4 qiryawotho b’Tel Temir
U Mawtbo Folhoyo d’Tel Temır frısle maqırhonutho cala hçome haroye dsımlın a hayle kaboşe d’Turkiya b’zayne yaqure cal arbac qıryawotho di fnitho. Ba hçomani da hayle Turkoye noşo lo qtil, elo hiw husrono la mulkone da comure u kmisomi bnişo dmitazici a came du qlimo.
Turkiya kısaymo yawmoyith cuqobe cal dukotho frişe du garbyo udu madınho d’Suriya wu athmıl’ste mhewola b’4 qıryawotho di Hasake bi Gozarto d’Bethnahrin. Mawdıc da hayle kaboşe d’Turkiya uda marhıbonayda, mhelın ba qıryawotho d’al Dırdara, al Qabr al Soğur u al Şek Cali dkıtne b’Tel Temır ubı Abu Rasen.
Gawonoyith ba hçomani dsimi b’zayne yaqure, lo qtil mdinoye u hiw belhude husrono maddi lan arcotho da comure da qıryawothani. 17 bu yarhano’ste naqla hreto mhewolın a marhıbone noqufe d’Turkiya b’Abu Rasen uba hçome dsimiwo 14 bu yarhano’ste mçarahwo mdinoye b’Rişcayno.
Adyawma hçımlın’ste a hayle kaboşe d’Turkiya cali qritho d’al Hoşariya qariwo li mdito d’Mabuğ. B’hçomo hreno dsim adyawma safrayto, mhe 70 soruhe b’qıryawotho frişe du kanton d’Şabha b’zayne yaqure. Ba hçomani’ste hiw belhude husrono la mulkone du camo.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
