A muroye di esfireğlo d’Championslig kamili

Amuroye di esfireğlo du Cahampionslig dımtaybi bu athro du Portugal kamili.

 İ gudo d’Bayern Minshen bu gol dımhalaqla mqabıl di gudo d’Paris Sanjerman, maclele u koso di turnuwathe dıkmisomi naqla hıdo kul şato.

 Bi netije da tedbire dmidi mqabıl du virus d’Corona, amuroye di esfireğlo Cahmpionslig dmaklanwo l’zabno, mdawamwolın bıthır bu athro du Portugal u dılo mfarjone.

İ turnuwathe dkıtla camoyutho rabtho bı britho, i gudo d’Bayern Minshen wi gudo d’Paris Sangerman fayışiwo lu muroyo haroyo.

Atarte gude dımvayacwolın afthe ğalabe bu fosuqo qamoyo du muroyo, i gudo d’Bayern Minshen bi qatınto da 59 qadiro dımhalqo gol bi qalco d’Sanjerman bu rişo dımhele u mıştacyono Kingsley Coman.

Cıl mıd i gudo d’Paris Sanjerman mnasela dımhalqo gol, elo bi harayto u dayono sfırle u mawdacle du muroyo di esfireğlo d’Championslig tayın ha mqabıl sfiqo, u maslım u koso di turnuwa li gudo d’Bayern Minshen dhani da şeth naqlatyo dıkzuxyo bi turnuwathe d’Urifi.