A Senatore d’Amerika kmıstafdi mi aykonoyutho du kewo d’Corona

Lfuth atebe dıfrisi me mabuce mşahılfe, 4 senatore Amerikoye mnaselın dmıstafdi momunoyith mu kewo di şabto d’Corona.

 Bi mawdconuthathe dıfriso kmitawmır, d’4 Senatore Amerikoye, bıthır mu knuşyo dilonoyo dhawiln bu Senato i sbutho du kewo d’Corona, mzabanlın a hıssas dkıtwolın.

 Bi mawdconutho dıfriso b’Amerika kmiwtamır, d’senatore dkıtne bi sictho da istixbarat d’Amerika, mnaselın dmaydi yuthrono mi sbutho du kewo d’Corona. Usenator bıthır mıd hadıriwo bı knuşyo ğnizo cali sbutho du virusano, mzabanlın a sahme dkıtwolın bhın ma şırak xıd hasayıs.

Bi mawdconuthathe dhiwo eleye bu knuşyano, rmızwole da sahme da şırak rabe gıdnuhti. Mawxa a senatoreste mocdo mzabanlın a sahme dkıtwolın bu timo celoyo. Elo ucdo mawdıc, du timo da şırak nahıt bi sagiyutho.

Lfuth i mawdconutho dhule u mşalo di sictho da istixbarat du Senato Richard Burr mawdacle, dlosımle fawdo inaqla dımzabanle a sahme dkıtwole bıthır mıd şamıc a tathir dkibe dtore u kewo du virus d’Corona cali şırke. A sanatore dıkmıthomi bi sbuthathe Kelly Loeffler, Richard Burr, Dianne Feinstein u James İnhof’ne.