05/08/2020

Ahaylawotho d’QASAD mabdelın hamle hreto mqabıl Dacış b’Deyrezzor

A Haylawotho d’Suriya Demoqratoyto wa hayle di mşaynutho gawoyto, mabdelın hamle mşawtafto mqabıl da krılyotho da ğrobe marhıbone d’Dacış hedor u qlimo d’Deyr Ezzor.

 Me gabo hreno, a marhıbone mıdlın nişo a rişone da caşıryotho d’Deyr Ezzor bnişo dmahrıwi a esore dkıtte a caşıryotho cama hayle d’QASAD.

A Haylawotho d’Suriya Demoqratoyto bi methcadronutho dcama hayle gawoye, mabdelın hamle mşawtafto mqabıl da krılyotho da ğrobe marhıbone d’Dacış bu qlimo d’Deyr Ezzor. Mawdıcste di hamlathe mşarela, bıthır mıd mu qatlo dhın ma rişone da caşıryotho du qlimano dıksundi QASAD.

İ hamlatheste mşarela cala qıryawotho d’al Suhayil u Huwaij dkıtne dukotho casye da krılyotho da marhıbone. Bi maqırhonutho dıfrısle QASAD mawdacle, d’Deyr Ezzor shıdle ba yawme haroyani cal şuşote dsımlın a marhıbone d’Dacış bnişo dmahrıwi i mşaynutho wi şalyutho du qlimano. Dacış mşadarle a krılyothayde leşan dı xulqi bulbulo u jğuşyo.

QASAD mawdacleste, dsımle ba yarhe haroyani şişaltho dcuqobe u hamlat cala krılyotho d’Dacış d’axilın husrono rabo u mahıt ido cal kmoyutho rabtho d’zayne u foqucotho, elo naqla hreto kımnasın dmaqwın ruhaye wa hjomathe leşan dmahrıwi a esore towe dkito cama caşıryotho du qlimo.

Mawdıcste bu zabno da cuqobani dsımlın a hayle d’QASAD wa hayle di mşaynutho gawoyto, msıklın mınyono d’marhıbone dımnaselın dsaymi furqoce qtolnafşoye cala qentrunathe, bnişo dmafitilın lu duyoqathe. Ba cuqobaniste, 2 ma Mharbone d’QASAD matın lu darğo di Sohdutho. Ba yawmotho dı şafıcina, qtılwo 3 ma rişone da caşıryotho rişoye d’Deyr Ezzor me ğrobe dheş i hiyoyuthathe latyo idıcto.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…