12/07/2020

Ahaylawotho Iraqoye mabdelın cuqobe cal Dacış b’Diyala

A haylawotho di mşaynutho du Iraq wa tayosyotho du koalisyon Emwothoyo, mabdelın hamle hathto cala gurube marhıbone d’Dacış dkıtne bu qlimo d’Diyala.

 U gayso Iraqoyo m’akadle, ba cuqobani dmabdın athmıl bı dukotho frişe du qlimo, mawdıc dmandıf 27 qıryawotho ma marhıbone d’Dacış.

Bi mawdconutho dhiwo mu gayso Iraqoyo mawdıc, da hayle di mşaynutho du athro cama hayle frişe hrene du gayso mabdelın hamle hathto dı cuqobe cala gurube marhıbone d’Dacış; bu snodo da cuqobe oyaroye du koalisyon Emwothoyo dkıtyo bi rişonutho d’Amerika.

I hamlathe dkıtyo dan 4 dıkmisomi, mşarela athmıl u gıdmitahıt eba yuqro cala krılyotho da marhıbone d’Dacış dkıtne bı dukotho frişe du qlimo d’Diyala. Mawdıcste di hamlathe mabdiyo, calu amro du rişwazire Mustafa al Kadhımi dhadır cama hayle bu şuroyo da cuqobani.

Bebzabno u rişwazire, sımle bıthır socurutho lu thumo d’Mandili dkıtyo b’Xanaqin. Yawme d’Crutoste sımwo cuqobe calu thumo d’al Munthiriya. Bu yawmo qamoyo da cuqobe di hamlatheste, qtil 3 marhıbone, mahrıw 15 dukotho d’Dacış u msik mınyono d’marhıbone u kmoyutho d’zayne.

Camgabedaniste, m’akıd dmandıf 27 qıryawotho frişe dkıtwolın a marhıbone ithutho ebeye. U maşıqlo qamoyo di hamlathe du gayso Iraqoyo mabdıyowa bu qlimo d’Anbar bu yarho d’Şbot dı şafıcina u bıthırste calu garbyo d’Boğdod. Ba zabne haroyani, mazıdwolın a marhıbone ahjomathe bu athro dilonoyith b’Diyala, Salahaddin, Kerxeslox u Anbar.

Check Also

YPG maglela cali hiyoyutho da Sohde dmahrawla Turkiya wa marhıbonayda a bethqburathe b’Cafrin

Bi maqırhonutho dıfrıslın a Haylawotho du sutoro du Camo-YPG, maglelın cali hiyoyutho da S…