12/07/2020

U polis folhoyo Rusoyo mhele ba istixbarat du rejim d’Suriya

U polis folhoyo d’Rusya, mhele b’3 hadome da istixbarat oyaroye du rejim d’Suriya.

 U mhoyano athi lu huwoyo, cal da folhani du rejim lo kalın qum di nuqazto du duyoqo d’Rusya b’al Mayaden dkıtyo bu qlimo d’Deyr Ezzor.

Lfuth u tebo dıfrısla i Mşatasto da zedqe noşoye d’Suriya dkımcaqbo u qrobo gawoyo d’Suriya me Britania, u polis folhoyo d’Rusya dkıtyo b’Suriya mhele b’3 folhe da istixbarat oyaroye du rejim du rişathro Başar al Asad.

Bu mhoyano, qtil ha ma folhe u hreno msik uda tlotho mahzamle mi duktho. I celtho du mhoyano du polis folhoyo d’Rusyaste, cal da 3 folhani du rejim d’Suriya labici d’şumci u zuhoro du polis dıtlıbwole menaye dkolın qum di nuqaztathe b’al Mayadeen.

A folhe da istixbarat du rejimste bı radoytowın bu zabno dımqarawolın li nuqazto du polis rusoyo. I nuqaztathe du polis Rusoyo, kıfayşo bi huktho du darbo d’Bala’um dkıtyo bu cboro dli mditho d’al Mayadeen bu madınho du qlimo d’Deyr Ezzor.

Imşatasto mawdaclaste, 7 bu yarhano d’Tamuz mahzamwolın ba casrowat dfolhe du rejim ma hayle du sutoro du athro leşan dmaydi duktho cama gurube sanode du İran. A folhani dıkmısnodi mu İran, kımaydi ağro mcaş towo.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…