12/06/2020

Aknuşye beyn da gabe Kurdoye b’Suriya kımdawmi

A knuşye di hamle trayonitho beyn da gabe uda hayle Kurdoye b’Suriya, mşarelın adyawma bu benyono du gabo d’PYD.

 Bi sbutho da knuşyani, Amerika bu darğo qamoyo dıksındolın u dkowe u mathlonaydeste beynothaye, hadırwoleste William Rubak.

 İ hamle qamayto da ytawyotho da Kurdoye dsimiwo bi mtaybonutho d’Amerika u Fransa, ucdo kımdawmi bi hamle trayonitho, leşan da gabe Kurdoye dkıtne b’Suriya dmıttafqi camhdode bi sbutho dkıtlın b’Suriya.

Adyoma mşarelın bi hamle datre bu knuşyo dsim bu bınyono du gabo di PYD dkıtyo b’Qamişli bi mtaybonutho da mathlone da gabe u hayle Kurdoye u bi mdiqonutho du musteşar du koalisyom emwothoyo William Rubak wu rişona da Haylawotho d’Suriya demoqaratoyto Mazlum Cabdi.

Bhaq du knuşyano u qamoyo dhawi lohiw mawdconutho rwıhto elo hın ma mathlone du knuşyo mawdaclın du knuşyo fayıt bu duroşo tawo u mahıt a nuqtotho dmıdroşi bu zabno dothe u mışkıl kibın mşakli ihdoyutho da gabe da kurdoye d’Suriya. Bi mawdconutho dhulın a mathlone dkıtweyne bu knuşyano mırlın a knuşyani gımdawmi hul da gabe mıtafqi cala talabe dkıtlın cam hıdode me Suriya.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…