Amerika mahıtla tadbire mqabıl d’Hızbullah

İ wazirutho di baroyutho, wi wazirutho du momuno mıdlın tadbire mqabıl da haylawotho d’Hızbullah dkıtne b’Lebnon u bu Iraq.

 Bu fusqono di wazirutho di baroyutho kito dımahıt u notarrozo d’Kataib d’Hızbullah Ahmed Hamidavi bi lista di marıhbonutho baynothewmothoyith.

 Bi mawdconutho dıfrısla i wazirutho di baroyutho d’Amerika mawdacla dı mahıtla u notarrozo du gurub d’Hızbullah dkıtyo bu Iraq bi lista di marıhbonutho baynemwothoyith, u makle u momuno wa malat dkıtle kule. I celtho di wazirutho di baroyutho dmıdla u fusqonano d’Hamidawi mıthabıt dsımle hjome u hfitwotho marıhbone.

Bıthır mucdo a hayle emwothoye lı kowe dseymi esore aw fulhone camu notarrozo d’Katiab d’Hızbullah Ahmed Hamidawi. Me gabo hreno i wazirutho du momuno d’Amerika mahıtla tadbire cal hın şutose u more d’şuğlone dkıtle cwodo camu Hızbullah d’Lebnon.

Bayn da şutose dmahıt tadbire aclaye kito u waqıf da sohde mi şato da 2007 ksonıd hın ma marıhbone d’Hızbulla d’Lebnon. Bu fusqono dmid kito 3 şutose u 12 farsufe dmahıt tadbire aclaye. Bi mawdconutho dhule u wazire di Ğazina Steven Mnuchin mırle u rişono Donald Trump kalyoyo camu camo d’Lebnon.