Amerika mzaharla bı qaşyutho a mhoye dkowın cala nuqazyotheyda du Iraq

Amerika mzaharla bı qaşyutho a mhoye dkowın cala nuqazyotho dkıtla bu Cıraq u mawdacla dgıdobın funoyo qaşyo la grube dıksaymi a hçomani.

 U malolo d’Pentagon Jonathan Hoffman bi maqırhonutho dhule bıthır ma hjome haroye dhawın cali nuqazto d’Taji bu Iraq mırle; Gıdobina funoye qaşye bi sbuthathe.

 Bi şabtho harayto sim 2 naqlat hjome cali nuqazto du koalisyon Emwothoyo dkıtyo bi rişonutho d’Amerika b’Taji du Iraq. Lfuth u tbocofroso, bu hjomo qamoyoste qtılwo 3 folhe u 3 hreneste mçarhiwo.

Bıthır mu hjomo dhawi athmıl, u malolo d’Pentagon Jonathan Hoffman mırle; A hjomani lıgfayşi dlo funoyo. A hayle di mşaybutho du Iraq msıklın farsufe  dıkmıthomi ba hjomani, elo ahnaste gıdobina funoyo qaşyo la grubani.

Bi maqırhonuthathe Hoffman, lo mawdacle hayna grubene u ema gıdobın funoyo la hjomani bu Iraq. Amerika kıtuhmo a grube dkıtne masre b’Hizballah dıkmısnodi mu İran.