Anesore beyn da İmarat Caraboye u d’İsroyel kıqowın

U rişono catiqo da pwelıs da İmarat Caraboye Mhayde, bi maqırhonutho dıfrısle mırle; Bu zabno haroyano, a esore da İmarat u d’İsroyel kıqowın.

 U rişono da pwelıs mırleste; Mawxa athi u zabno du athreydan, dmawde b’İsroyel, wa esore dmisomi ruşmoye beyn da tıre athrawotho.

Mi şato da 2019 a esore bayn la diplomatikoye d’İsroyel u da İmarat caraboye kowın bayn dıhdode bathro tlithoyo awkith lo bu athro d’İsroyel u lo bu athro da İmarat caraboye. I celtho dlatne esore ruşmoye ftihe du athro da İmarat lı mawdele bu athro d’İsroyel bıthır mıd mıdle işaryutheyde xıd athro.

U rişono da pwelıs dmeqım du athro da İmarat Dhahi Khalfan Tamim bi maqırhonutho dhule mırle athi u zabno du athro da İmarat dı mawde du athro d’İsroyel athro hiro u şaryoyo, laşan a esore dıkmisomi talye dhowın ftihe u ruşmoye.

Camgabe di maqırhonuthathe hule mawdconwotho du snodo d’İsroyel u komır a athrawotho caraboye kule klozım hawxa saymi dmawdın b’İsroyel xıd athro.

Bi maqırhonutheyde Tamim mırle inaqa da esore howın ruşmoye bayn İsroyel wa İmarat ono gıdhoweno u qamoyo dısoyım socurutho l’İsroyel.

Wilo mawdyonutho bu athro d’İsroyel dılo mıcneyo fayış, metul İsroyel matyo lı darğo celoyo bu yulfono, ba zedqe noşoye u bayn da athrawotho mşawşıte dıbritho. Mın khışwina qay a yudoye mayko athın me haway?