Aqıryawotho du cameydan mahwelın i fsihuthathe cala makinat dışqili lu tetfiyo di nuro

A makinat du tetfiyo di nuro dmasılmi la qıryawotho u la dayre d’Turcabdin mu taraf da mathlone da 6 şutose du cameydan dıqayimiwo bi tarmithathe dımalımwolın mcadronutho mu cameydan calu darbo di tahrazto d’simowa b’Suroyotv.

Bıthır mıd mfarqi a makinani hın ma qıryawotho mjarbilin, wi fsihutho dhawilin abici fırsila camu cameydan.

Bıthır ma yuqdone dkul şato dhowınwo ba qıryawotho d’Turcabdin u dlothewolın mcadronutho u snodo mi şıltonutho d’Turkiya hıze sniqutho dmızwın makina dkibın matfın i nuro meqım dıyırwo.

Bi sbuthathe 6 şutose du cameydan mtafaqlın dsaymi tahrazto di mcadronutho b’Suroyo tv laşan dzawni a makinatani dkıtne ulsoye la qıryawotho du cameydan d’Turcabdin.

Athmıl bıthır mıd mfarqi a makinat la mathlone da qıryawotho dılatimiwo bu qentrun du federasyon da hudre Suryoye d’Turkiya SUDEF dkıtyo b’Mıdyad, mawbıli a makinat la qıryawotho.

Adyoma hın ma qıryawotho bıthır mıd matilın a makinat nafiqi la arcotho u mjarablın a makinani dıkmahweın mıqqa towene u aydarbo kmatfın i nuro.

Bu mamlo dhawilın aclayme dımjarablın a makinatani mqadamlın a tawdiyothathe lu camo dı snıdle i tarmithathe u la şutose dıqayimi ebe.

Naqa hreto mahwele du camo Suryoyo ksonıd hdode inaqa dhoze kito sniqutho u dilonoyith inaqa da şutose du cameydan dmihaydi cam hdode hedor tarmyotho dkıtne ulsoye lu cameydan du athro.