Aram Hanna mawdacle Turkiya abico dfırşo MFS me hdode bu zabno dkımdafciwo imditho mqabıl Dacış

U malolo du Mawtbo Folhoyo Suryoyo Aram Hanna, mawdacle du athro kaboşo d’Turkiya, marfele a maye du nahro du Xabur leşan dforış a MFS me hdode bu zabno dıkmdafıc i fnitho mqabıl da hçome marhıbone d’Dacış.

 Bebzabno, Hanna bi maqırhonutho dhule lu tbocofroso, mawdacle du Xabur bu mrodo dmahwewole ba 2015, hawi nuqazto di zoxutho mqabıl du gayso kaboşo d’Turkiya u da marhıbonayde.

Bu duxrono da 6 ışne da hçome marıhbone dsımwole Dacış cala qıryawotho du camaydan du Xabur, i dafo da tebe d’Hawar sımla maqıblonutho camu malolo d’MFS Aram Hanna. Bi maqıblonuthathe, Hanna mawdacle da marhıbone d’Dacış sımwolın hçomo calu camaydan du Xabur, cal dlathiwo lu hşowath du camaydan u Suryoyo Othuroyo khoye b’jeoğrafya nacımto d’ruhe, u mırle; Bu hçomano htıfwo zıd me 200 farsufe mu camaydan, u benyono tahtoyo uba casrowat d’citotho shifi wu camaydan mawfıq ma qıryawothayde.

Dacış mıstacmewole alfayo d’marıhbone u zayne yaqure ba hçome dsımwole calu Xabur, elo a Mharbone d’MFS bu sebyonathe u kamilo, mahwewolın haylo rabo u twırwolın u tukoso marıhbono. Hanna dgrışle u zuhoro cal Turkiya dımqadamwola mcadronutho d’lojestik udu hulmono la marıhbone d’Dacış, mırle; Bu zabno da hçome dsımwole Dacış cala qıryawotho du Xabur, u athro kaboşo d’Turkiya marfewole a maye du nahro du Xabur, leşan dforaşwo a Mharbone d’MFS me hıdode, u dsoxır u darbo b’qamuthaye.

Turkiya wa marhıbonayda, matın ucdo la thume di mdito d’Tel Tamır bıthır mıd kbışlın Rişcayno u Tel Abyad, u kito zuctho dmisım qtolcame hathe cala comure di duktho. Bu huthomo di maqıblonutho dsimo acme, u malolo d’MFS Aram Hanna, mawdacle dhınne xıd haylo folhoyo i egarthathe-egartho d’şlomo u zoxutho’yo, wi fnitho du Xabur bu mrodo dmahwewola ba 2015 gıdhuwyo nuqazto du huroro da fenyotho kulle dıkbişi me Turkiya uma marhıbonayda.

Hanna tlıble’ste me Emwotho Mhaydotho dmaydo mşalutho, dmisım u garanti di şalyuthzayno udi mşaynutho da came d’Tel Tamır. Mxasra hreto, a Haylawotho d’Suriya Demoqratoyto,  athmıl hulın funoyo la hçome dsımle u gayso kaboşo d’Turkiya uda marhıbonayda cala qıryawotho d’Cayn Cisa u d’Tel Abyad. QASAD ba taxtuşe dhawın ba qıryawotho d’Xoşan u Alxalidiya, qtilın 3 marıhbone u mçarahlın 7 hrene.