26/02/2021

Athrawotho frişe dı britho sıme qroyto dmitaqimo imwatyutho b’Armenia

Athrawotho frişe dı britho, sımlın qroyto dmitaqimo i mwatyutho b’Armenia, bıthır mi maqırhonutho du rişwazire Nikol Paşinyan, dmawdacwole du gayso d’Armenia gıdsoyım inqilab folhoyo acle.

 Ba qroyotho dsimi ma hayle Emwothoye, tlib dkul noşo dımyaqır a qonune wi demoqratoyutho b’Armenia.

Mathlone d’Amerika, du Huyodo d’Urifi, du NATO udu Tukoso di Mşaynutho udi Methcadronutho d’Urifi- OSCE grışlın u zuhoro d’Armenia u tlıblın dhowe şetqo bu athro, bıthır mıd u gayso Armınoyo tlıble mu rişwazire Nikol Paşinyan dmıstacfe mi wolithayde. Bi sbuthatheste Paşinyan athmıl mawdacwole, dkito qento du gayso dsoyım inqilab folhoyo cali şultonuthayde.

U malolo di wazirutho di baroyutho d’Amerika Ned Price sımle qroyto la gabe kulle, dlowın celtho lu jğuşyo u dımyaqri a qonune du athro u mırle; Lıklozım i m’watyuthathe u loste u cnufyano dqoşın zıttır, cal dkull noşo klozım dfoyış masro ba prensibe di demoqratoyutho wa hayle folkoye lıkowe dımdaxli bi siyase dkito bıgawe du athro. Amerika gıdmdawmo bu snodayda lu şuşoto du maşıqlo di demoqratoyutho uli şaryutho d’Armenia.

U mşalo du komisyon d’Urifi Peter Stanoste kali cali ulsoyutho da gabe folitiqoye kulle klozım dşorın u qetrano bu darbo du dialog u dımyaqri a prensibe wu prosess di demoqratoyutho du parlamento d’Armenia ubu taro du nomuso esonoyo du athro. U NATO mşaçacle li demoqratoyutho b’Armenia u m’akadle dıkmtahqıb a şuşotani me qariwo. OSCE mawdacle u ğamayde cali aykanoyuthathe d’Armenia u tlib ma gabe kulle dımyaqri u maşıqlo di demoqratoyutho.

Me gabo hreno, bıthır ma tagliyotho dsımlın a sanode wa saqıbloye d’Paşinyan bi arişkoyto Yerevan, hawile u rişwazire mamlo bu telefon camu rişono d’Rusya Vlademir Putin. Bu mamlano kle cali aykanoyutho gawoyto d’Armenia u Putin m’akadle u snodayde li şultonutho qonunoyto du athro u mawdacle u sabro dkıtle, dmışre u krizano cal qariwo.

Check Also

USAİD kımdawım d’sonıd u maşıqlo du bnoyo u du hethotho di daşto d’Ninwe

U tukoso Amerikoyo du quyomo Emwothoyo-USAİD, kımdawım d’sonıd u maşıqlo du bnoyo u du het…