U parlamento d’Hollanda maqbele irmoyto dmitıctarıf bu Sayfo

Bu quwolo dsim bu parlamento d’Hollanda, i sagiyoyutho da qoyume m’ayade i rmoyto, dıktulbo mi şultonutho du athro dmawdıyo bu qtolğenso dsim calu camaydan, calan Armınoye u Pontusoye.

 İ qroytatheste, mqadmowa mu qoyumo du gabo du Huyodo Mşihoyo Joel Vorrdewind.

Athmıl 25 bu yarhano d’Şbot, u parlamento d’Hollanda maqbele i rmoyto dımqadmowale u qoyumo du gabo d’ChristenUnie-Joel Voordewind, leşan i şultonutho’ste dmawdıyo bu qtolğenso dsımwola i mamlaxtho da Cuthmanoye calu camaydan, calan Armınoye u Pontusoye.

Bıthır mucdo u parlamento kıtolıb mi şultonutho dmawdıyo bu qtolğenso dan 1915 ubebzabno dmitazidi a fulhone b’athrawotho hrene. U parlamento d’Hollanda ğalabe naqlat drışle u fusqonano, elo athmıl bi sagioyutho da qole maqbıl du parlamento du athro dtolıb mi şultonutho dmawdıcyo bu qtolğenso.

Bu şuroyo i rmoytathe mqadmowa calu ışme du camo Armınoyo. Elo bıthır mıd ESU u fırco d’Hollanda mşadarle egartho lu mqadmono di rmoytathe, mahıt u Sayfo dsim calu camo Oromoyo Othuroyo udu camo Pontusoyo’ste bi rmoytathe.

Bıthır mu fusqonano, xıd kull naqla Turkiya mahwela u hfuxyayda dlıkmaqıblo hawxa fusqono ubebzabno, kmitamır d’Hollanda kmıstacmılo i sbuthathe siyase mqabıl d’Turkiya. Me gabo hreno, u parlamento d’Hollanda mıdle fusqono du dyoşo dıksoyım u Sin calu camo Uygur, dkıtyo qtolğenso.