26/02/2020

Aykanoyutho harayto b’İdlıb

A’haylawotho di şultonutho d’Suriya, ba tlotho yawme dşaficina mahıtlın ido cal 30 qıryawotho u qastrat dkıtne hedor d’İdlıb ud’Hlob.

Camgabıdathe, u gayso d’Suriya hjımle cal tarte nuqazyotho Turkoye u madreleste tayisto Turkoyto dlo pilot bi fnitho d’İdlıb.

İ mşatasto d’Suriya da zedqe noşoye mawdacla da haylawotho di şultonutho d’Suriya kımdawmi dımqadmi lafu cımqo du tayımno di fnitho d’İdlıb, u qadiri b’zabno dkıtyo noqıs m’60 şoce dmahti ido cal 30 qıryawotho u qastrat dkıtne hedor da mdinotho d’İdlıb ud’Hlob, baynothaye 24 qıryawotho u qastrat bu taymno d’İdlıb.

Bebzabno, i mşatasto d’Suriya da zedqe noşoye mawdacla dıqtil adyawma hamşo marıhbone ma grube mzayne dıkmısnodi m’Turkiya, bi netiçe du hçomo oyaroyo dsımlın a’tayisyotho folhoye d’Rusya cal hıdo radayto folhoyto hedor d’İdlıb.

Athmıl ste, u gayso d’Suriya mahıtwole ido cali qastra stratijikoyto dı Kfarnıbbol b’İdlıb dkıtwa bi morutho da grube mzayne saqıbloye mi şato da 2012 uhul ucdo. Wa grube marıhbone dıksındolın Turkiya fayişi ba nuqazyothaththe dkıtne qariwe mi qastra d’Alnerab bu zabno dkımdawmi a’taxtuşe qaşye baynothaye ubayn du gayso d’Suriya bi fnitho du taymno d’İdlıb.

Camgabıdathe, u froshezwo d’Skay New bu tebo dıfrısle makadle dsim hçome oyaroye udi naşfe cal tarte nuqazyotho Turkoye b’İdlıb u mırle “sim hçomo oyaroyo athmıl cal nuqazto Turkoyto b’gawıd du bethtawso folhoyo dı Taftanaz bu madınho d’İdlıb. Ube bzabno, u gayso d’Suriya mhalaqle athmıl zıd m’50 foqucwotho da topat cal nuqazto Turkoyto bi qritho d’Şanan bu taymno d’İdlıb. Ubi netiçe da hçomani mfarqıc menyono d’radoyotho folhoye dı Turkiya”.

Mxasra hreto, u ajans da tebe d’Sana makadle du gayso d’Suriya madrele tayisto Turkoyto dlo pilot bi fnitho dı Dadix bu tayman madınho d’İdlıb. Lfuth Sana i tayıstathe bu duyoqo dıksaymowole kımcadrowa a’grube marıhbone mzayne dkıtne masre camu tukoso du Gbino d’Alnusra.

M’gabo hreno, u rişono du rejim d’Turkiya Erdoğan mawdacle da haylawothayde bi harayto du yarhano gıdsaymi u huroro da nuqazyotho Turkoye du duyoqo dkıtne mtawqe bi fnitho d’İdlıb. Erdoğan bi maqırhonutho dhule adyawma mırle “Turkiya lıgımhalqo ulo dawse laxalf bi sbutho d’İdlıb, u gıdmarhıqo a’haylawotho du rejim d’Suriya ma nuqazyotho Turkoye du duyoqo”.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…