25/03/2021

Ba guboye dsim 6 farsufe mu cameydan saliqi lu Mawtbo di mlahmonutho di mdito d’Wiezbaden

Ba guboye dsimiwo ba yawmotho d’şaficina bi hiğmonitho d’Hessen d’Almanya kıtwo farsufe mu cameydan mraşhe lu mawtbo di mlahmonutho di mdito d’Giessen d’Almanya.

Ma tarte listat dcabiri a farsufe du cameydan, bkul lista kito tlotho farsufe dmıdlın zedqo dhowın bu Mawtbo di mlahmonutho d’Wiezbaden.

Bi mdito d’Wiezbaden a farsufe du cameydan sımwolın tarte listat camhıdode hdo menaye dkıtwa ışma awyutho Othuroyto d’Wiezabaden wi hretoste i lista  Suriya demoqratoyto. A 2 listani dkıtne b’awyutho camhdode kıtwolın 31 mraşhe me neşe u gabre mu cameydan, mani 6 farsufe saliqi lu Mawtbo di mlahmonutho di mdito d’Wiezbaden.

Mi lista di awyutho Othuroyto d’Wiezbadın-Warda Mascud, Gabi Stayfo u Sabri Alkan mıdlın duktho bu Mawtbo di mlahmonutho u mi lista hreto-Suleyman Haydo Rimon Danho u Samir Barsaum mıdlın duktho. Camgabe da 6 farsufani dımnaqın kito 2 farsufe hrene dkıtne tahlufe da listat-Elina Rumanıs u Daud Yachub.

Ba guboyani i lista di awyutho Othuroyto d’Wiezbaden mıdla 11.436 qole wi lista da Suriya Demoqratoyto  mıdla 11.405 qole. Lfuth i mawdconutho dmıdlan me Sabri Alkan dkıtyo ha mani d’salıq lu Mawtbo di mlahmonutho d’Wiezabaden mırle; Hathe zoxutho’yo la 2 listat du cameydan d’qadirina dmacıbrina me kull hdo menaye 3 farsufe.

Check Also

U şutoso d’Olaf Taw frısle buyono lu ray gawonoyo du camaydan

U şutoso d’Olaf Taw bu buyono dfrısle adyawma lu ray gawonoyo du camaydan, mawdacle dhın m…