B’Hedel sim u yawmo d’Mor Basus u Şuşan hothe
Adyawma sim u duxrono da Sohde Mor Basus u Şuşan hothe, bi dayro dkıtyo macmırto cal ışmaye bi qritho d’Hedel b’Turabdin. Lu duxronano hadırwo u cameydan da qıryawotho d’Midın, Bsorino u qıryawotho hrene u acmaye’ste man abne du cameydan dıkhoye bi golutho.
İ dayrathe dımşarele hani zabno bu heththotheyda bi rişonutho du şamoşo Fadi Gewargis dkıtyo bu şerşo mi qritho d’Kafşıne ubu snodo da Mıdhoye, wu hın man abne du cameydan dıkhoyın bi golutho ubu athro, adyawma malyowa camo-rabe zcure, neşe, gabre leşan dsaymi u duxrono d’Mor Basus u Şuşan hothe.
Bıthır mi slutho dsimo bi rişonutho da tre kohne Abuna qaşişo Saliba Erden d’Bsorino udı abuna qaşişo Şemun Uçar d’Midın, u şamoşe dhadıriwo u camo nafıqwo larwal u mhagele u yawmano cama muklone dımhaydriwo ma comure di qritho d’Midın u Bsorino.
Bi mawdconutho dmıdlan mu şamoşo Lahdo Barınc mawdacle, dhani zıttır me 50 eşne kmisım u duxronano, elo bu zabnano u haroyo mıqa dkothe zıttır kzaydi mıştawtfone. Adyawma u camo dathi lu duxronano, kulle camhdode u axilın a muklone dmamtın.
Bebzabno hın ma nacime da Maşılmone da qıryawotho dhedor Hedel athın mtacamlın mi halyutho dhiwo. İ qrayto dkıtlın a Turabdinoye lu camo di golutho, dhowın sanode bu tecmiro dhawxa dukotho dkowın nuqazyotho ulsoye du cameydan ba dukotho dmaxle u cameydan menaye.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
