Bi cohnutho da 10 eşne di Sohdutho d’Matay Rabo ESU frısle buyono

Bi cohnutho da 10 eşne di Sohdutho du rişono catiqo du Huyodo Suroyo d’Urifi İskender Alptekin-Matay Rabo, frısle ESU buyono calu dawro dhawile u rişono catiqo bu huyodo u beyn du camaydan.

 Bu buyonano ESU komır; 10 eşne bıthır mi Sohdutho du hawraydan Matay Rabo, ESU kımdawım dımhalıx u darbo wi falsafe du rişonaydan u catiqo bi xıdme du camaydan u Kaldoyo-Suryoyo-Othuroyo.

Bi rişitho du buyono; Bu cuhdono du rişonaydan İskender Alptekin-Matay Rabo, u Huyodo Suroyo d’Urifi-ESU mırle; Adyawma dkıtyo 18 bu yarho d’İyor, şafıc tam 10 eşne, d’ESU mvayacle u rişonayde u qamoyo dkıtwe bebzabno ha ma mşatsone du Huyodo Suroyo d’Urifi. U rişonaydan u rhimo İskender Alptekin, bı jalta du lebo nqılwo ma hayani b’Swisra wu şunoyo du rişonaydan, mrayşanwole şuhlofo rabo u ulsoyo l’ESU ula hadomayde.

U buyono d’ESU komır’ste;Mu yawmo qamoyo di mşatsonutho d’ESU, İskender Alptekin dıkmidıc bu ışmo Matay Rabo, mıştacele dawro ulsoyo b’ESU, bu rwohayde beyn du camaydan uba arişkoyotho d’Urifi, bu parlamento d’Urifi uba şutosayde. Matay Rabo, xıd rişono u hawro du darbo, camgabe dkıtwe hfito ba fulhone bı haqle frişe, musiqoro kaşiro’we. Bıgawe d’maşıqlo karyo bu haqlano, hawile nesyune u xlıqle yortutho dilonoyto bu musik athronoyo u umthonoyo du camaydan.

Bu huthomo ESU mırle;Bu zabno di rişonuthayde, İskender Alptekin mırhamwo u miyaqarwo ma hawronayde du huyodo. Ucdo 10 eşne bıthır mi Sohduthayde, ESU, zıd ma zabne hrene-kımdawım u darbo wi falsafe du rişonayde Matay Rabo bi xıdme du camo hem bu athro u hemste bi golutho. ESU hfitoyo bu haqlo folitiqoyo, kenşoyo uba şwole du camaydan u gıdmdawım dtolıb u dımdafıc a zedqayde. Matay Rabo, gıdfoyış remzo di hawrutho, di masirutho u mathlo towo b’ESU. Bu tarano ubu yawmano u şatonoyo-kımathkrina u rişonaydan İskender Alptekin u kobina şudoyo, dımdawmina dfulhina leşan u şubhoro du ışmayde.