Biden mbayanle u grubayde da esore kulle ma neşe
U rişono mnaqyo d’Amerika Joe Biden mawdacle i gudayde u grubayde du mahwo şqolo du kominikasyon gıdımşakıl ma neşe.
Biden bi maqırhonutho dhule mırle “kıtli şubhoro dmaşmacno i gudo qadmayto du mahwo şqolo du qusro heworo dıkmişaklo kulonoyo ma neşe”
Joe Biden dımgabe u rişono d’Amerika mawdacle i gudayde du mahwo şqolo du Qusro Heworo kulonoyo dıkmişakıl ma neşe.
Biden bşubhoro mawdacle i gudathe mathkarleste da neşe di gudathe kıtlın nısyone u morıd qabıliyene. Gıdmaydi a sıbwotho li ido me perspektife mşahılfe wu fusqono kamilo dkıtte bu bnoyo du athro tawtır, gıdmahwale bu fulhonathe.
Biden mırle “ anesore baroye direkt camu camo Amerikoyo hıdo ma wolyotho olsoye du rişonoyo. Gıdıbena wolitho olsoyto u rabtho li gudathe dmasro u camo Amerikoyo bu Qusro Heworo ”
Jen Psaki dkıtwa bu zabno d’Barack Obama i mşalonitho u mahwo şqolo du Qusro Heworo hawyo i malılto du Qusro Heworo. A neşe hrene dıgmaydi duktho bi gudathe du kominikasyon hanine, i mşalonitho di gudo du tboco froso Kate Begingfield, li mcadronutho di notarozutho du tboco froso Karine Jean Pierre, mcadronitho di mşalonitho du kominikasyon Pili Tobar wi mşalonitho du mahwo şqolo du kominikasyon di mcadronitho d’Biden Kamala Harris hawyo Ashley Etienne wi mşawronitho rişoyto d’Harris hawyo Symone Sanders. Me gabo heno Elizabeth Alexander gıdhuyo i mşalonitho du kominikasyon di bathzawgo d’Biden Jill Biden.
A wolyotho wa masırhonwotho li gudo du tboco froso u du kominikasyon lıklozım dhowe eyodo mu Senato.