Çelik mahkele calu Sayfo bu froshezwo d’ARTI

U mamlo dsımle u qoyumo du cameydna bu parlamento d’Turkiya Tuma Çelik bi sbutho du Sayfo, kmıdroşo bu tbocofroso.

 Bu froshezwo d’ARTI  bi tahrazto dsimo u qoyumo Çelik mahkele cali sbutho du sayfo u mırle; U Sayfo wa hawbe dkito dlomitawde ebeye, lıkmıftıh qum Turkiya la şuşote.

Bi tahraztathe dsim tire fosuqe camu qoyumo Çelik kmitahke calu maktabzabno du camo Suryoyo u bebzabno kmitamte u mamlo lu zabno du Sayfo u lu mamlo dsımle u qoyumo bu parlemento du athro.

Bi sbutathe a mdabrone di Tahrazto ba şuwolathe tlıblın mu qoyumo du parlemento d’Turkiya dmahke cali sbutho du sayfo aydarbo hawyo u be bzabno mın sim bi sbuthathe.

U qoyumo Çelik bi tahraztathe mahkele bı rwihutho calu maktabzabno dhedor u zabno du Sayfo xıd mathlo u ağuno dhule Mor Şamcun Benyomen bu gabo d’Urmiya.

Bi sbutho du sayfo Turkiya qulnaqa mkasela cali sbuthathe u lıkıbco dhowe mamlo u tnoyo acla. İ tahraztathe kibe ha mfarajla adlalyo b’Suroyo tv bıthır mi tahrazto d’Şabtho kamılto.