29/06/2020

U rejim d’Suriya maqımle 9 qyome cam Maxluf

Bıthır mıd u qonuno d’Sezar dınahıt la haye bu athro d’Suriya mşarela i casqutho du momuno dkito dnıfqo li holo, mawxa u camo mşarele b’dukotho dmahwe u hfuxyathe. Ucdo nafıq li holo di şıltonutho du athro d’Suriya maklela 9 qyome dkıtwole Rami Maxluf bi sbutho di  tagorutho hirto.

Lfuth hın mabuce du tboco froso iwazirutho du momuno  d’Suriya mıdla fusqono dı maklela a esore momunoye dkıtla cam Rami maxluf dkıtyo u abro du holo d’Başar El Asad.

Ba tebano dıfris iwazirutho maklela 9 qyome momunoye dkıtwola işıltonutho cam Rami Maxluf bi şuqo hırto dıkmitawmarla dkıtyo di tagorutho.

Bayn da qyome dkito hın mane u lmino d’Tartous, u bethtawso d’Darmsuq, u bethtawso d’Holob wu bethtawso Elbasel dkıtyo bi Latqiye.

Lfuth a fusqone hrene dkito Rami Maxluf klozım bgawe da 15 dobe u dayno dkıtle lu athro dlo gıdmitahıt ido cala bınyone u mağzane dkıtle mallat bıne.

Bu şıkılano i qale dkito bayn Rami Maxluf u l’rişathro Başar El Asad qaşyo lı darğo dmıqtoco bnaqa hdo.

Check Also

U parlamento d’Australia tlıble mi şultonutho du Iraq dımşatso şultono yothoyo lu camaydan dıkhoye bi daşto d’Ninwe

U parlamento federaloyo d’Australia, bıha femo tlıble mi şultonutho du Iraq dımşatso şulto…