Charles Michel mawdacle gseymi kul mede laşan dımşahlifi i siyase dkıtla ocdo Turkiya

 U mşalo da esore baroye du komisyon d’Urifi Charles Michel mawdacle, dıksaymi kul mede dkito bidothaye leşan dımşahılfi i siyase dkıtla Turkiya bnişo dımqadmo lu Huyodo d’Urifi.

 Michel bu mamlayde mırle; Turkiya bzabno mhalaqwola dawsat towe, elo ucdo a dawsat dıkmhalqo latne lu yuthrono du Huyodo d’Urifi.

U mşalo da esore baroye du Huyodo d’Urifi Charles Michel dhadır ba zuyohe du cboro da 40 eşne du yawnan lu Huyodo d’Urifi, hule maqırhonwotho mşahılfotho u mfanele cala şuwole dımşyıl mene bi sbutho d’Turkiya, dkıtyo i şbobto du Yawnan u elo dhani zabno a esorathe dkıtne mwatye.

Bıthır mi ytawto dhawile Michel camu rişwazire du Yawnan Kyriakos Mitsotakis huwle mawdconutho cali klayto dkıtla Turkiya u bebzabno u qedomo du Huyodo d’Urifi li sbutho d’Turkiya. Michel mırle; Ahna mawdaclan l’Turkiya i siyase dkıtlan wa tarce ftihe d’27 athrawotho du Huyodo dkıtne ftihe quma.

Michel mırle’ste; Elo bi qamayto Turkiya klozım mşahılfo ruha u dımcadlo i siayase dkıtla ulo dmalxo xıd ucdo b’Libya b’Suriya wi siyase dkıtla lan athrawotho da Qawqase. Meqım mhalaqwola Turkiya dawsat towe elo bi haraytathe a dawsat dıkmhalqo latne lu yuthrono du Huyodo d’Urifi, u mawxa ahna gıdsaymina kull mede dkito bidothayna leşan dımşahılfina i siyase du tahdid dkıtla Turkiya.