22/05/2022

CHP simle taglitho leşan Canan Kaftancioğlu

U Gabo Camoyo Qutnuthoyo d’Turkiya sımle i taklithayde da tarte bu ışmo; u qolo du camo. Bi mdito d’Stanbul dlatımwola zıttır me falge d’mılyun dıbnaynoşo. Bi taklithathe dsimo leşan du snodo di rişonitho du gabo u ferco d’Stanbul Canan Kaftancioğlu, u rişono Kemal Kılıcdaroğlu sımle u mamlo la hadire.

22/05/2022

Bu şuroyo di şatathe u gabo di CHP mawdacwole dgısoyım takılyotho b’mdinotho mşahılfotho bu ışmo; u qolo du camo. Bıthır mıd sımwolın i taklitho qamoyto bu yarho d’Konun u haroyo di şatathe, athmıl sim u trayono b’Stanbul me darbe di taklitho dgımisomowa bu normal b’Bursa. Elo bıthır mu msoko di risonitho du gabo du ferco d’Stanbul Canan Kaftancioğlu, mşahlıfo i taklitho l’Stambıl leşan u snodayda.

Bu mamlo dsımle u rişono du gabo di CHP Kemal Kılıcdaroğlu kali cali lo kinutho dkito bu athro, u dlayto demoqratoyutho u lo şawyutho. Bu mamleyde Kılıcdaroğlu mırle; Kull ha dıkhoye bu athrano cayni’yo, layto furşono beyn da hiyoywotho u tawdiyotho. U gabaydan dothe li şultonutho, gıdmadcırina a 8 mılyune galwoye dkito b’Turkiya b’fsihutho u gıdmşadrinalın lan athrawothathe.

Bu zabno du mamlo du rişono di CHP, u camo mazcaqwo ha caşqiya laybe dhokım britho, u mathlano kımmiwole leşan u rişqutno Erdoğan bu tezico du camo laybe fayış dhokım u athro. Bıthır mi taklithathe bıdele droşe-hal u gabo di CHP gıdnofıq moro lu mede dkomır aw bıthır naqla hreto gıdmşahlıf i hzaytayde dkıtyo u xtuto d’Ataturk- ha athro, ha ışmo, hdo tawditho u hdo otho.