Demirtaş huwle renyo dmişatıs awyutho demoqratoyto rwıhto

U rişono zawgoyo catiqo du gabo d’HDP Selahattin Demirtaş dkıtyo bu hbuşyo tahte renyo siyasi hule rınyo dmişatıs awyutho rwıhto demoqratoyto da falqe du athro kule dhowın bgawe.

 Demirtaş bi mawdconutho dhule mırle i şıltonutho ma fawde rabe dıksaymo law kmaqıblo falqe hrene star ma noşe dkıtla hiya lruha.

 Selahattin Demirtaş bi egartho dımşadarle mu hbuşyo d’Edirne komır; bu zabnano dkowe droşe ğalabe calu dactith d’Turkiya, onoste marke kobacno dfolağno a renyaydi cama came u falqe du athro. Demirtaş bi egartheyde kımahke cali ulsoyutho du sistem qawyo du parlamento u lo sistem d’rişonutho dha farsufo.

U rişono catiqo d’HDP Demirtaş mırle; İ şultonutho kıxusro xasırtoyo, bram a gabe di saqıbloyutho wu camo, a tacobe dgıqumri aw lo, mawxa bu zabno di şultonutho dgıxusro, u camo mın klozım dsoyım. Calu şuwolan Demirtaş komır: agabe, şutose wa falqe du camo dkıtne saqıbloye li şultonutho, klozım dsaymi awyutho rwıhto demoqaratoyto, dmıhboşi bgawa a falqe wa came kulle dkito bu athro.

Demirtaş mırle; u mede ulsoyo dkito, a qonune di demoqratoyutho dmıfroşi beyn da kenşeyo. İnaqla dmişatıs hawxa awyutho rwıhto beyn da kenşe du athro, inaqlayo kmıntır dmisım awyutho bi sbutho da guboye. İ awyuthathe klozım huyo ftıhto u zalılto lu camo kule, u dmıdroşo ba sedre du camo.

Bu huthomo di egartheyde Demirtaş komır; Dılo furşono u terhiqo dıha gabo aw falqo du camo, kibe dhuwyo i zoxutho du camo mqabıl di şultonutho ducdo, leşan  dımkasın a fawde dkıtla dlıkmaqıblo gabe u falqe mu kenşo star me dida, leşan dlo mtaglın a fawde rabe dsımla.