19/02/2021

Dmiqadım b’zuhoro laşan ihdoyutho Kurdoyto dmitafıt la haye

A gabe di hdoyutho athronoyto da Kurdoye d’Suriya, naqla hreto makadlın dıkmqadmi b’zuhoro rabo leşan u insiyativ di hdoyutho Kurdoyto dmitafıt la haye.

Bebzabno, a gabe bu buyono dıfrıslın, sımlın qroyto lu Mawtbo Athronoyo Kurdoyo dkıtyo hadomo bu koalisyon athronoyo saqıbloyo di sictho d’Alriyad, dlo mahıt terpılyotho qum du insiyativ di hdoyutho dbeyn da gabe Kurdoye d’Suriya.

A gabe di hdoyutho athronoyto da Kurdoye d’Suriya, bu buyono dıfrıslın lu tboco froso mawdaclın dhınne xıd gabe heş mu zawbno du qawmo dımşarewole i şato da 2011, mnasewolın dımtaksi u bayto Kurdoyo m’hatho, udımhaydi u mamlo siyasi bayn da gabe Kurdoye d’Suriya, bnişo dmınfıq mqabıl da casqıwotho udu qento dkito cali ithutho du camo Kurdoyo.

Bebzabno, u buyono grışle u zuhoro cala debhe dımqadamlın a’gabe di hdoyutho athronoyto da Kurdoye d’Suriya mu zabno dımşarewole u qawmo xıd haylawotho folhoye di YPG udi YPG ubıthır mathe xıd haylawotho d’Suriya demoqratoyto d’QASAD dhulın ağuno mqabıl di marıhbonutho udu kboşo. U buyono mawdacleste di dbohnafşo da gabe di hdoyutho athronoyo trela dhowın hfite zıd laşan i hdoyutho Kurdoyto b’Suriya, bnişo dmınfıq mqabıl da casqıwotho dkito bu maşıqlo hassas ducdo, udmitahwelın a’Kurdoye u gawonoyith a’came d’Suriya a’zedqaththe bu haqlo folitiqoyo u ğer, udmitahbti b’gawıd du nomuso esonoyo hatho.

U buyono komırste “u insiyativ dmabdewole u rişono gawonoyo d’QASAD ubu snodo d’Amerika ud’hawrone hrene, laşan i hdoyutho du mamlo folitiqoyo baynayna ubayn du mawtbo athronoyo Kurdoyo, kımmathıl dawse lafu darbo triso. Cıl ma qetre uma şuhlofe da hzayotho dkito baynothayna, elo naqla hreto qadrina dşıfcina ğalabe casqıwotho u manhatlan katfo laşan u yuthrono gawonoyo. Mawxaste ksaymina qroyto lu mawtbo athronoyo Kurdoyo dhuwwe ste dmanhıt katfo ba dawsat dfayişi, laşan u insiyativano dmakşır udşofıc la haye”.

Bu huthomo du buyonaththe, a’gabe di hdoyutho athronoyto da Kurdoye d’Suriya awkith di mdabronutho yothoyto, makadlın dkımqadmi b’zuhoro rabo laşan dmakşır u insiyativano, udmihayıd u mamlo siyasi bayn da Kurdoye ham li towuthaththe u hamıste li towutho d’Suriya gawonoyith.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…