Donald Trump mdele amro hatho leşan u tecliyo du gumruk
Athmıl, meqım dtoyım u siqumo haroyo dmahıtwole u rişono d’Amerika qum dan athrawotho frişe dbritho, dımqadmi la droşe leşan dmımte l’awyutho calu timo du gumruk, mdele Donald Trump amro hatho u maclele u gumruk cal mınyono celoyo d’athrawotho. U fusqonano d’Trump dkıtyo’ste klayto folitiqoyto calu qedomo dhawi ba zabne haroyani mqabıl d’İsroyel, maclele u timo du gumruk dmahıtle cal Kanada u mbayanle siqumo hatho qum dğer athrawotho.
WASHINGTON — Kanada mçazyo b’madatho-gumruk d’35 ba mo-heş meqım d’toyım u siqumo dmahıtwla Amerika. Wu fusqonano du rişono Donald Trump’ste, mafıt adyawma la haye cali şultonutho d’Ottawa elo star me mınyono celoyo d’mluwe dkıtne bu taro du qyomo dkito beyn Kanada, Amerika u Meksiko.
Trump mdele athmıl amro hatho-lhın athrawotho mbayın siqumo hatho l’droşe cali tagorutho dbeynothaye l’7 Ob u lğer’ste xıd Kanada, mafit u gumrukano adyawma la haye. Lfuth mbahnone folitiqoye, u gumrukano gıdobe husrono rabo li tagorutho da şırak dbritho. Elo bu mamlayde Trump mırle; Hawi hani eşne yarixe qedomo lo triso lu athraydan.
Bi lohithathe du gumruk dmahıt 68 athrawotho frişe-da Caraboye; 15% cal Yurdnon, 25% cal Tunıs, 30% cal Çezayır u Libya, 35% calu Cıraq u 41% cal Suriya. Me beyn dğer athrawotho’ste macle u timo du gumruk kito; 10% calu mal d’Britania, 15% calu Huyodo d’Urifi-Yaban u Qore i taymnoyto, 25% calu Hınd, 30% cal Afriqya i Taymnoyto, Swisra-39% wu gumruk celoyo dkulle’ste cal Brazil mahıt dkıtyo 50%.
U Sin lo mahıt bi lohithathe, cal dımşarelın a droşe beynothaye u mahıt siqumo haroyo l’12 Ob. Bu zabno da droşani’ste, u gumruk dcalu mal du Sin mahıt 30%.
Camani’ste kito athrawotho dmanqıs u gumruk aclaye-xıd Cambodia u Thailand manhıt ma 36% l’19%.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
