Edip Aktuğ nqil ma hayani mu kewo di Corona

U virus di Corona, kımdawım dımkalıf a haye dan abne du camaydan b’Almanya.

 Edip Aktuğ d’cımre 63 eşne, nqil ma hayani mu kewo di Corona bi mdito d’Giessen.

Edip Aktuğ, nqil ma hayani a zabnoye 25 bu yarhano mu virus mariro di Corona bi bethkrihe d’Giessen d’Almanya. U mhasyo du Edip, mawladwo bi şato dan 1958 me abohe mhaymıne Şemcun u Hana mi iqartho dbe Şemcun Zatto mi qritho d’Arkah d’Turabdin.U mhasyo Edip kıtwole 3 ahunone u 2 ahwotho uban 1975 mzawağwo cam Ziyane i bartho d’Gawriye u Basse mi iqartho dbe qaşo Lahdo Arkahoye.

Mu zwoğano, hawilın 4 abne u 3 bnotho wu 15 nubğe. Ban 1980 mgalwewola i iqartho l’Giessen. 30 bu yarhano dkıtyo yawme d’Şabtho, bi şoctho da 12.00 gıdmisım u cufoyayde me Abun qaşişo Lahdo bi cito d’Mor Afrem u Mor Theodoros.

U mnoho rahomo di citayde, du camayde udu athrayde’we u mırhamwo’ste mu camaydan dıkhoye b’Polheim. U mnoho hani zabno d’2 yarhe obewo ağono mqabıl di Corona ba bethkrihe d’Giessen elo a osawotho, lo qadiri dmanıhile. İ iqartho dbe Şamcun Zatto mqadamla a tahınyothayda lkull man dflığle u haşano acmaye.