ESU ksoyım qroyto lu camo u la şutose kulle dmıştawtıfi la hfitwotho du Sayfo

U Huyodo Suroyo d’Urifi (ESU), kımhaydır a hadomeyde u kısoyım qrayto lu camo, dmıştawtıf la hfitwotho dıgmisomi leşan u Sayfo 15 bu yarhono, dkıtyo u duxrono şatonoyo du qtolğenso dsim calu cameydan.   

 ESU dımtayable a tahrazyotho lfuth i aykanoyutho dkito ucdo, kıtolıb mu camo dmıştawtıf la hfitwotho dıgmisomo, xıd mathlo i kampanya da imdat, tewqido da şamce qum da bote u ğer.

U talab d’ESU bi qamayto du cameydan dmıştawtıf li kampanya da imdat dı mabıdyole calu darbo du nawlo laşan dmiqadmi lu huyodo d’Urifi dhowe droşo u mawdyonutho bu sayfo.

ESU bi qrayto dkıtle lu camo bu yawmo şatonoyo du duxrono du sayfo 15 bu yarho kul ha menan dımaqıth şamco qımu tarco du bayteyde u dobıc kothuw mede calu Sayfo.

Bayn da fhitowtho dkito ESU mawdaclın dkıtlın hfitutho 14 bu yarhano i şoctho ba 11 d’blalyo d’Urifi gıdmisim hfitutho dmıfroso hayo calu darbo nawlo u du tbocofroso.

Hıdo ma nuqtotho hrene dkıtle ESU talab ma şutose ma citotho du cameydan dı tıbci i luho du rımzo du Sayfo dsimola i cito u dmahtila quma tarce da şutose awste cala şurone da bınyone şutose u  da citawotho bu zabnano da yawmotho du Sayfo.

Bi sbuthathe ulsoyoyo du cameydan dmahwe u hfuxyeyde mqabıl du sayfo dhawi calu cameydan laşan dlowe sayfe hrene u cameydan dıqodır tolıb me britho dımhafdo cala zedqeyde.