İqritho d’Midın sımla qreyto dmicadır bu tecmiro da darbone di qirtho

İ qritho d’Midın b’Turcabdin, sımla qrayto la Mıdhoye dımcawni bu tecmiro da darbone di qritho dfayişi dılo syomo.

 Bi qrayto dıksaymi a mşale d’Midın, kıbci ma Mıdhoye dkıtne b’Urifi dhowın sanode bu momuno, leşan dmisomi 2 darbone dfayişi dılo syomo.

 A mşale di qritho d’Midın mqadamwolın tarmitho lu qaymaqam d’Bethzabday laşan dsaymi a şuqone di qritho kefe u dımcadli hedor i rawmo di qritho.

Bıthır maqıblo i tarmithathe mşare ba fulhoneyda dkobo sırto hlitho li qritho d’Midın.

Bıthır mi tarmithathe kfoyış 3 şuqone mdi qritho dlo syomo mawxa a mşale di qritho u bu rişathe u mgabyo Şamcn Vergili ksaymi qrayto la mıdhoye dsındilın dsaymi a 3 darbone dı fayişi dılo soyomo dkıtne u darbo da Haydokiye, u darbo di Qalco wu darbo di baste dkuzeyo li madraşto da yolufe.

Hulocdo malım kmoyutho d’zuze elo heş klozamlın mınyono laşan  a darbone di qritho dhowın maluşe kefe şafire. Bi qrayto dıksaymi a comure d’Midın ktılbi ma mıdhoye dhowın sanode, u be bzabno kımqadmi tawdiyotho lu qaymaqam d’Bethzabday dmaqbele i tarmithathe. Ahnaste xıd frosohızwo kımina i tarmithathe huyo brıxto li qritho d’Midın.