Farsufe mu cameydan nqili ma hayani bu athro du Swed

U kewo di corona dımbarbız bı britho kula kımdawım dmawbıl farsufe mu cameydanste.

Lfuth i mawdconutho dathilan tıre farsufe hrene mwayaclın a hayathe u şamoşo Afedyaqno u ha ma macımrone di cito d’Mor Yahkub d’Nsibin d’Södertelje Abdullmesih Yackub be Dahabe me Södertelje u Zero Demir me Göteborg nqili ma hayani.

Abdulmasih jacob be dahabe dınqil ma hayani yawme d’arbıco dşaficina, mawlıd bi şato da 1936 b’Midyad me abohe Aziz Yakhub be dahabe u Rumiye Şamcun Sawme. Hiye nacimo nqile li Qqamişli u cwıdle 5 ışne, u bıthır mıd sımle i folhutho b’Turkiya bi şato da 1965 mşawtafle a hayeyde cam Leyla Us Rhawi me Mıdyad, bıthır mgalwele l’Swizra bıthır l’Almanya u bi şato da 1986 mgalwele lu Swed u camır b’Södertelje.

U mnohnafşo mu zuwoğo dhawile cam Leyla hawilın ha bare u 3 bnotho, dkıtne Kristina Renate, Andrea u Andres.

U mnohnafşo dkıtwe afıdyakqno u zabneyde u xalyo obewole la fulhone di cito u lu hudro othuroyo dkıtne bi mditho.

U mnohnafşo dkıtwe ha ma macımrone di cito d’Mor Yahkub d’Nsibin fayışwo mınyono d’ışne bu mawtbo di cito.

U mnohnafşo qorewo u ewengelyun qadişo u kulnaqa mathkarwo u mathlano.

Atun enun nuhre dcolmo.  lo meşkho dtethtaşe mdito dcal turo banyo, u lo manıhrin şroğo u soyminle theth sato, elo cal mnorto u manhar lkul aylen da bayto enun. Hoğano nanhar nuhrxun qdom bnaynoşo, dnehzun cbodaykun tobe wanşabhun labuxun d’Başmayo.

Me gabo hreno Zero Demir dı mawldo me abohe Hanna u Hana kalyun bi qritho d’Anhel bi şato da 1931 nqilo ma hayani adyoma safrayto bi mdito d’Göteborg.

I mnohto bıthır mıd yariwo bi şato da 1947 mşawtafla a hayeyda camu mnohnafşo Lahdo Demir mi qritho dı Kafro I tahtayto b’Turcabdin.

I mohto kıtwola tre ahunone u tarte ahwotho. Bi şato da 1976 mgalwewola camu mnohnafşo du barzawgeyda lu Swed u lı Gızlawed, u bi şato da 1980 l’Göteborg u bi şato da 1981 sımlın socurutho la arcotho mqadşe u hawınwo maqıdşoye. Kıtwolın 5 abne u tarte bnotho.