U Mawtbo Demoqratoyo di Mdabronutho d’Şigur mawdacle lıgmaqbıli a fusqone dıgmimodi aclaye

U mawtbo demoqratoyo di mdabronutho d’Şigur mawdacle dılo mu sıbyono du camo di duktho lıgmaqıblina fusqone dmimodi calu dactid di fnitehydan.

Hani zabno yarixo kito droşe bayn di şıltonutho d’Boğdod u d’Arbil mın gıdhowe u dactid di fnitho d’Şigur.

 İ fnitho d’Şigur da Yezidoye zabno yarixoyo kmıdrış acla u ğalabe naqat a şıltonwotho wa hayle dı hkımlın  u Iraq hawilın qedomo di dişutho u da dhılumye mqabıl da Yezidoye u dyoşo haroyo u dkıtyo qtolğenso hawiwo mu gabo da marıhbone d’Dacış dı kbışwolın i fnitathe bi şato da 2014 xıd kbışwolın u şalwo d’Ninwe.

Bi maqırhonutho dhule u mawtbo demoqratoyo di mdabronutho d’Şigur komır u zabno mşahlıf a bnaynoşe mşahılfi mawxa laybe dmitaqbıl dmimıd fusqone cali dukthathe dılo mu sıbyono du camo dıkhoye harke.

U mawtbo komır ahna kıtlan tebo d’Erbil u Boğdod kdırşi u dactid di duktheydan calu darbo di nuqto du nomuso esonoyo dkıtyo 140.

Elo mın dhowe tıre howe dlo myodo di hzayto da Yezidoye lıgmımte lı şroyo du qatro. Mawxa ahnaste xıd mawtbo di mdabronutho di fnitho d’Şigur kımcaqbina i sbuthathe meqariwo u kıbcina da yuthrone du camaydan dmimodi bu darğo qamoyo.

Bu huthomo di maqırhonutho kmitawmır aqyome dıgmimodi dılo mu sıbyono u hzayto da Yezidoye lıgmamtın şroyo u lıgmitanıhti la haye.