Fatıryarxo Yusıf III mhanele Ahmad Alşarıc u mirle; u camo Mşihoyo şerşoyo d’Suriya hadiroyo camıhdode dıbone Suriya i hathto dkıtyo frişto ba came mşahılfe dkıtla

I qadişutho du fatıryarxo Mor İğnatiyos Yusıf Tlithoyo Younan, mşadarle egartho dı tahanyotho l’Ahmad Alşarıc bi cohnutho dımnaqe rişono lu athro d’Suriya laşan dımdabır u maşıqlo folitiqoyo hatho u hassas bu makthabzabno d’Suriya. 

Bi egarthayde, i qadişuthayde mırle “i mşalutho rabtho dıknıflo aclayxu sniqoytoyo dhowın a’came du athro kulle hedorayxu laşan dsaymitu u quyomayde udmişawşıt m’hatho. Ubu şıklano hani dımgalwelın m’Suriya gıddıcri m’hatho lu athro, dilonoyith i claymutho dkıtyo u dactid du athro. Marke kım’akdinalxu du camo Mşihoyo şerşoyo dkıtyo mşatsono d’Suriya hadiroyo ba mkone mşahılfe dkıtle dımcadarxu bu maşıqlano u makthabzabnoyo, ubu şıklano camıhdode gıdbonina Suriya i hathto dkıtyo frişto ba came uba gawne mşahılfe dkıtla. Ahna kıtlan tuxlono kamilo dgıdsaymitu u mede dkothe menayxu, bnişo dmıştawtıfi a’came kulle bu bnoyo du dactid d’Suriya”. 

Bu huthomo di egarthayde, fatıryarxo Younan naqla hreto b’ışme farsufoyith ub’ışmıd da hsayo u kohne u mhaymne di cito Suryoyto Qatholiqoyto bkul duktho dilonoyith ba n’arbac marıcyotho d’Suriya mqadamle tahanyotho lebonoye l’Ahmad Alşarıc, u tlıble m’Aloho dımcadarle laşan di towutho d’Suriya udu şuşotayda.