UNESCO mkamela u hethotho du masığdo catiqo d’Al Nuri wa citotho d’Tahira udi Saca dkıtne bi mdito d’Mawsal
U Tukoso di yortutho d’Emwotho Mhaydotho-UNESCO, mkamele u hethotho du masığdo catiqo d’Al Nuri wa citotho d’Tahira udi Saca dkıtne bi mdito d’Mawsal du Cıraq. U hethotho du masığdo uda tarte citothani dmahrıwiwo mu tukoso marhıbono d’Dacış, mşarewole ba 2018 u mkalafle lhol 115 milyone dolare.
MAWSAL, Ciraq – Lfuth i mawdconutho d’UNESCO, kamilo 5 bu yarhano i tarmitho dmabdewole cal 3 ma remze rişoye di mdito d’Mawsal. İ tarmithathe dmahıtwo ışma; U hethotho di Ruho d’Mawsal, hobaşwo bıgawa u hethotho du masığdo d’Al Nuri dıkdocır lu doro da 12 wu idico bi mınnarayde i celoyto dkıtyo ışmo cwiço.
A remzani shıfwo ba 2017 ubı cayni şato, ğlıbwo u tukoso marhıbono bu Cıraq.U remzo 2, i cito Suryoyto Qatholiqoyto d’Al Tahira’yo dbınyo’wa ban 1862 wi tlithoyto’ste i cito di Saca’yo dkıtyo man 1870. İ tarmithathe du hethotho da 3 remzani d’Mawsal, mkalafla 115 milyone dolare u mşarewola ba 2018.
Mawdıc di rişonitho d’UNESCO Audrey Azoulay, sımla socurutho l’Mawsal bıthır mıd kamili a fulhonai. İ tarmitho mtaybo xıd funoyo lu tehriwo ulu husrono dhuwole u tukoso marhıbono d’Dacış li yortutho catırto du Cıraq. A citotho du camaydan dmahrawo mınyono celoyo menaye, mitıstacmıliwo me Dacış xıd nuqazyotho, cambare u xıd hbuşye.
Camgabe dani, mahrawolın’ste a marhıbone ba mowat d’bote di şawtho catıqto d’Mawsal dkıtwın man 1535 u bınyono tahtoyo di mdito, a athare wa dukotho catiqotho du arkeoloji du athro. A fulhonani d’UNESCO simi bu snodo momunoyo du Huyodo d’Urifi, da İmarat Caraboye ubu fulhono d’1.300 ma comure di mdito leşan dımcadri bu hethothani da 3 dukothani. Gıdmibayın’ste bıthır zawho ruşmoyo du futoho da dukothani dkamili a fulhonani du hethothathe b’Mawsal.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
