Ftih u ştand da muklone marduthoye da suryoye bu Film Festival d’Locarno, Swisra
Adyawma 31 bu yarhano d’Tamuz sim u futoho du ştand da muklone marduthoye du cameydan bi mdito d’Locarno d’Swisra bu wahdo dıkmitayıb kull şato u cadcido Emwothoyo da filme. Bu cadcidano dkıtyo da 78 dıkmisım, kmitahwe’ste aftho la şutose du Mawtbo Umthoyo d’Bethnahrin dfuthi u ştandano, du nişayde dforıs i mardutho du cameydan’yo.
LOCARNO, Swisra — A hadome da şutose du Mawtbo Umthoyo d’Bethnahrin, markawlın adşato’ste u ştandathe bu cadcido Emwothoyo da flime bu kanton d’Locarno d’Swisra. Kull noşo latle zedqo dfotıh ştand bi hfituthathe, elo cal da mtaybone kudci a şutose du camaydan b’Locarno, ucal du camo nuxroyo kobe calaqa u yasifuthoo lu ştandano, kmitahwelın a şutosaydan kull şato duktho bu wahdano du cadcido.
U ştando ftih bu wahdo dıkmisım kull şato u cadcidano leşan dmitawdıci a filme hathe dıkmıfrosi ba sinemat dbritho. Bu ştandano, a şutose d’MUB dıklaymi me mdinotho frişe d’Swisra ume ğer athrawotho-camgabe da muklone dıkmzabni, dkobın’ste mawdconutho la nuxroye calu cameydan ucali aykanoyuthayde bu athro ubi golutho. Bu taro du fulhonano, kmicawın u cameydan du athro momunoyith.
Lfuth i mawdconutho dmatilan, a ştande kulle ftihi adyawma u gıdmdawmi a fulhonathe hol 16 bu yarho d’Ob. Elo u cadcidano gıdmşare ruşmoyith 6 bu yarho d’Ob u gıdmdawım hol 16 bu yarho. Bu wahdo d’Piazza Grande dıkcorele 8 alfo bnaynoşo, kıloyamle came me athrawotho frişe dbritho, leşan dımfarçi a flime hathe dıknufqi yaste belhude dmafiti u zabnathe.
Bi harayto’ste kowe muroyo cala flimani dfrisi uha dıkqomır, kmitahwele u şukono du Nimro dahbonoyo-dkıtyo u remzo du cadcidano, dımşarewole heş ban 1946 b’Locarno. Bıgawe du zabno mşawşıt u hawi u cadcidano da 78 dıkmisım, ha ma munasabat rabe dbritho la mıştacyone u sayome da flime uda dokumentare.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
