24/04/2022

A folitiqore du camaydan Metin Hawşo u Aday Bethkinne grışlın u zuhoro di şultonutho du Swed leşan dmawdıyo bu Sayfo

A folitiqore du camaydan b’gabe frişe du Swed, grışlın u zuhoro di şultonutho di rişathwazire Magdalena Anderşon leşan dmawdıyo bu Sayfo dsim calu camaydan ban 1915 u dmitahwe yulfono acle ba madraşyotho. U folitiqoro du gabo da Mşihoye Demoqratoye di karxutho d’Botşyrka Aday Bethkınne wu rişono du ğrob da Liberaloye Metin Hawşo kımşayli mi şultonutho; Hol ema gıdmdawmitu dsaymitu fırşono beyn qtolğenso u qtolğenso hreno?

24/04/2022

STOCKHOLM – U folitiqoro di karxutho d’Botkyrka mu gabo da Mşihoye Demoqratoye du Swed Aday Bethkınne frısle mimartho yarıxto bi dafo d’Expressen ubu şuroyo komır; Bas mankritu-mawdewo bu Sayfo dan 1915. Qay kmisım fırşono beyn qtolğenso u qtolğenso-holucdo noşo lo maçrele dmancım u Holocaust da Yudoye-xıdu mede dıkmisım adyawma bu Sayfo. A yadıcthone dbritho sımlın şuğlaye u ucdo fayış cali şultonutho dsaymo u mede dıknofıl acla!

Bi mimarthathe Bethkınne grışle u zuhoro calu duxrono dıkmisım adyawma u dıkmathkıri a dıbhe wa Sohde du qtolğenso dan 1915 dhawiwo celtho lu qatlo dhol 2 milyone Suryoye Oromoye Othuroye Kaldoye, Armınoye u Yawnoye mi mamlaxtho da Cuthmanoye bu zabno du qrobo qamoyo dbritho-dheş hol adyawma kıfoyıt bu şetqo ubu tenkiro.

Hzi: Gör 24 april till nationell minnesdag för Seyfo

Bethkınne mahkele cala qatle ucala hawbe dsımwola i mamlaxtho cala Mşihoye wu husrono rabo dtrewola cali yortuthathe wi frişutho dsımwo aclaye. Elo camgabe da hawbani dsimi’ste, lo qadiro i mamlaxtho dquşco a camani ma dukothathe. Bethkınne mahkele bıthır cali golutho du camaydan lu Swed ucali ulsoyutho di mawdyonutho di şultonutho bu Sayfo-xıd aydarbo sim bhol 30 athrawotho frişe dbritho, wi sniqutho dkito dmitawlıf ba madraşyotho du Swed.

Bu huthomo Aday Bethkınne komır; Qtilitu leşanayna, ahna kıcayşina leşanayxu. Ahna lıkobina tawiz-Ono nubco du Sayfo’no. Bebzabno u rişono du ğrob da Liberaloye Metin Hawşo’ste frısle video bi sbuthathe du Sayfo u mırle;