Gıdmısımu futoho du bınyono di Bethmardutho d’Arkah
U Hudro du Quyomo udi mcadronutho di qritho d’Arkah b’Turabdin, cal qariwo gıdsoyım u futoho du bınyono di Bethmardutho d’Arkah. U zawho du futoho gıdmisım yawme d’Huşabo dkıtyo 17 bu yarhano d’Ob wu mqadım zminutho lu camaydan bkull duktho, dhodır acmaye bu yawmano.
ARKAH, Tur Abdin — U camaydan dıkhoye bi golutho, dhuwle hani eşne yarixe yuqro lu bnoyo ulu quyomo da bote uda qıryawothayde b’Turabdin, kımnase dmaqwe i ithuthayde bu athro dan abohotho u dmadcır ruho hathto bu qlimo. Bu maşıqlano, camgabe du bnoyo udu hethotho da qıryawotho, ftih’ste şuğlone leşan u camaydan dqodır dmacış ruhe.
Mathlo du şuşotano dkowe b’Turabdin, i qritho d’Arkah camgabe du yuqro dhiw lu momuno, mhalaqla’ste dawse lu şuşoto kenşoyo u marduthoyo di qritho. Bu tarano, 17 bu yarhano, yawmo ulsoyoyo’yo la Arkahoye dıkhoyın hem bu athro u hemste bi golutho. Lfuth i mawdconutho dmatilan, yawme d’Huşabo dkıtyo 17 bu yarhano, gıdmisım u futoho du bınyono di Bethmardutho d’Arkah.
U Hudro du Quyomo udi mcadronutho di qritho d’Arkah mşadarle zminutho lu camaydan u komır; B’fsihutho rabtho, kubcina dmaczıminalxu-rabe u nacime lu zawho du futoho du salonano u dcayşina camhıdode u yawmano u dilonoyo d’17 Ob bi şoctho di 13.00. Bu yawmano gıdmitahwe’ste mawdconutho calu nişo dkito bıthre du bnoyo du bınyonano u mın hfitwotho gıdmsım ebe.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
