02/06/2021

Gıdmitahıt qoyumtho bı gzırto du Yawnan la dıbhe da Pontusoye udu camaydan du Sayfo

Gıdmitahıt qoyumtho bihdo ma gzıryotho du Yawnan, la dıbhe da Pontusoye udu camaydan dımgalewole mi mamlaxtho Cuthmanoyto bıthır mu qrobo qamoyo d’britho.

İ qoyumthathe gıdmitaqimo bi gzırto d’Makronisos leşan a galwoye Pontusoye udu camaydan u Suryoyo Othuroyo dmahzamwole beyn dan 1922 u 1923.

Gıdmitahıt qoyumtho la galwoye Pontusoye, la Suryoye Othuroye ula galwoye hrene dmahzamwolın beyn di şato dan 1922 u 1923 lu Yawnan. İ qoyumthathe gıdmitahto bi gzırto d’Makronisos, gıdmathkııro’ste a neşe Amerikoye dıkfulhiwo bu zabnawo ba bethkrihe leşan dımcadri u dımcalçi a galwoyani.

İ qoyumthathe gıdmitahto bi şato dıbqamuthayna bu zabno du duxrono şatonoyo di goluthathe dsimowa li gzırtathe du Yawnan, bıthır ma fulhone mşawtıfe dmaşelın a şutose da Pontusoye udu Huyodo da Yawonoye Othuroye bi ruho di mşalutho makthabzabnoyto dkıtte wa şutosani’ne dmalımlın a zuze leşan u bnoyo di qoyumthathe.

Mawdıc di qoyumthathe remzo qawyo’yo la renye, li awyutho, li dbihuthnafşo dkıtwolın a galwoyani u camathe’ste iqoro dkito la falohe dımcadarwolın a galwoyani bu zabnawo’yo. Beyn dan 1922 u 1923, mgalwewole ban alfayo d’Pontusoye u Suryoye Othuroye li gzırtathe-dhawyo’wa bu zabnawo duktho dqudriwo dımhamın ruhaye.

A galwoyani cayişiwo b’aykanoyutho mlitho haşo bi gzırtathe u heş tahte da tathire udi trauma du qtolğenso dan 1915’wın. Bi netiçe da şartat casqe, nqılwo mınyono celoyo menaye ma haye-meqım dheş mınqoliwo lu Yawnan. Bu tehito di qoyumthathe, gıdmitathkıri a dıbhani kull şato leşan dlo mıtcoyi. Ha ma mtaybone di tarmithathe mırle; En lıkyulfina hergo mu mawto d’farsufo, inaqla nqil u farsufo ma haye dlo kinutho.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…