04/06/2021

Nuri Kino kıthule kıthawto cali rmoyto dımqadmowa me qoyumo Çelik cala qtiloye du cameydan dlatne a qatole idice

U gelyunoro şaryo du cameydan wu mşatsono d’ADFA Nuri Kino, mdaşın şukono cala fulhone dıksoyım lu cameydan.

Kino, nqile i rmoyto bhaq da qtiloye du cameydan dlatne a qatole idice dımqadmowale u qoyumo şaryo du cameydan Tuma Çelik lu parlamento d’Turkiya.

U gelyunoro Nuri Kino bi mimartho dıfriso bi sfaryawmo d’Dagen du Swed, hule duktho li rmoyto dımqadmowale u qoyumo du cameydan Tuma Çelik lu parlamento d’Turkiya, dıtlıbwole dmisım buhone cala qatle du cameydan ba 80’yat u 90’yat dmahıt ışmaye a qatle dlatne a qatole idice.

Kino dıkmahkele  gawonoyith  cala qatlani mıqa hulın husrono lu cameydan u dhawın celtho li golutheyde u kımathkır’ste osyo Adwar Tanrıverdi dkıtyo ha ma qtiloyani. Kino komır’ste; Gıdmcaqabno a qatlani u fsihonoyo d’naqla hreto mamtın lu bolo d’Turkiya.

Me gabo hreno ba yawmotho d’şaficina, mdaşın şukono lu gelyunoro şaryo wu mşatsono d’ADFA Nuri Kino cala fulhone dmaşele. Kino athi bu darğo trayono du şukono d’Global Bar Magazine ubi sbuthathe mırle; U şukonano, mawdyonutho’yo ba fulhone dıkmaşın a hadomaydan b’dukotho frişe dbritho, wu ono ğalabe fsihoyo’no u kıtli şubhoro bu medano.

Nuri Kino mhanele Global Bar Magazine calu şukono dhuwlele, dkıtyo ha ma şukone frişe dqmırle Kino cala fulhone noşoye dıkmaşe ubu haqlo di gelyunorutho. Ba fulhone dıksoyım u tukoso d’ADFA, kıkorış u zuhoro cala dyoşe ucalu cnufyo dıkmisım cala Mşihoye, cala qalilotho hrene bu Madınho Mescoyo u kımaşe fulhone leşan i mawdyonutho bu Sayfo uğer.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…