Hasyo Şmuel Aktaş mşayacle egartho du hılmono l’Hasyo Fetrus İsa Alnıcme

U metrofolito di marcitho d’Turcabdin Mor Timatheos Şmuel Aktaş bi egartho dıfrısle ktolıb hulmono lu hasyo di marcitho d’Hemes u Hama Mor Silwanos Fetrus İsa Alnıcme dkıtyo kayiwo hani zabno.

 İ mcalyutho d’Mor Timatheos bu huthomo di egartheyde komır blebo şhiqo kımsalina u ktılbina mu osyo şmayono bu haylo da slawotho d’Yoldathaloho u da qadişe d’Turcabdin dobelox hulmono dılo kewo u dılo kurhono.

Bıthır mıd hani zabno dıkmo yarhe i mcalyutho du hasyo d’mor Silwanos Fetrus Alnıcme dkıtyo kayiwo u metrofolito dTurcabdin mşadarlele egartho dık tolable hulmono gmiro.

İ egartho kımşaryo ba melani bkaryutho du lebo şamicina u tebo du kewo mayiro mahrawle u hulmonathxun dkıtyo yaqiro acli. Elo cal dkıtlan sabro u tuxlono b’Moran Yeşuc mşiho, xıd ba zabne du qrobo qaşyo dathi cal Suriya i mcalyuthathxu xıd qubarniti şfer di sfitho hakimo mqabıl da gale u da şğuşye qaşye mdabarlux i sfitho di marcitho u mamtyolux lu lmino du şayno. U bu tnono dmahwalxu lo trelux u qatco dmaslım elu me mşiho.

Mawxa i marcitheydi kula wi ahutho di dayro d’Mor Gabriyel xıd mırle Yacqub u şliho msaleyo cal ha bıha laşan dnoyahxu metul du haylo di slutho raboyo, hawxa kmathkrinalux ba slawotheydan.

Mor Timathewos Şmule Aktaş bu huthomo di egartheyde komır blebo şhiqo kımsalina u ktılbina lu osyo şmayono dbu haylo di slutho d’Yoldathaloho Meryem u du knuşyo da qadişe dbu athreydan  Turcabdin mahtene dobalxu hulmono dılo kewo u kurhono. U dobalxu i badle du hulmono gmiro. U dmaqımxu brişe di marcithatxu i mbaraxto. Laşan dacmeyxun mıfsohina u mazıcqina şubho laloho.