Hın athrawotho d’Urifi sıme qreyto la hayle dkıtne b’Libya laşan şalyuthzayno

U athro d’İtalya, Almanya u Fransa sımlın qrayto la hayle dkıtne mdaxle bi sbutho du qrobo d’Libya, dsaymi şalyuthzayno.

 Bi qrayto dan athrawothani, tlib ma hayle kulle dımqadmi la droşe leşan dmiqafe şroyo lu qrobano dkowe celtho lu qatlo da bnaynoşo u d’zıttır dhorıw u athro.

Bi qrayto dsımlın anathrawotho d’Fransa, Almanya u İtalya bi sbutho du qrobo d’Libya, tlıblın ma hayle gawoye dsaymi şalyuthzayno mehdo. Be bzabno sımlın qrayto lan athrawotho baroye dkıtne bu qrobano, dıgurşi a haylawothathe mu athro.

A 3 athrawotho bi maqırhonuthathe, tlıblın dhowe ytawyotho u droşe leşan dmitakle u dmiqafe şroyo lu qrobano dhawi celtho lu qatlo dban alfayo dıbnaynoşo u dmahrawle i aykonoyutho d’Libya.

U qrobano dıkmdawım beyn da hayle folhoye dkıtne tıre falqe u kull falqoste kmısnıd me haylo baroyo ubu şıkılano mıqa dkothe, kıqoşe u qrobo beyn da haylani.